«Damu business group» ۇجىمى ايىرىقشا اۋىزاشار بەردى. قوعام قايراتكەرلەرى، جۋرناليستەر، مادەنيەت قىزمەتكەرلەرى، كاسىپكەرلەر، ستۋدەنتتەر، مەدرەسە تىڭداۋشىلارى... ت.ب. ءار سالا وكىلدەرى قاتىسقان اۋىزاشار تەك ءدىني جورالعى عانا ەمەس ناعىز ۇلتتىق رۋحاني كەشكە اينالدى.

وسىعان دەيىن سان ءتۇرلى قايىرىمدىلىق شارالاردى، رۋحاني، مادەني جوبالاردى ابىرويمەن اتقارىپ جۇرگەن كاسىپكەرلەر توبى سوڭعى كەزدەرى ساياسي بەلسەندىلىكتەرىمەن دە كوزگە ءتۇسىپ ءجۇر. ايتالىق بيزنەس ۇجىم وكىلى جالىن جاينارباي «رەسپۋبليكا» پارتياسىنىڭ اتىنان الماتى قالاسى ءماسليحاتىنىڭ دەپۋتاتى بولىپ سايلاندى. پارتيا تەڭ ءتوراعالارىنىڭ ءبىرى سىرىمبەك تاۋ پارلامەنت سايلاۋىندا قولداۋ كورسەتكەن كوپشىلىككە راحمەتىن جەتكىزدى.

كەش تىزگىنىن قازاقستان رەسپۋبليكاسىنىڭ مادەنيەت قايراتكەرى، اقىن، قالامگەر قايرات قۇل-مۇحاممەت ۇستادى. جۋرناليست، ۇستاز جارقىن سالەن باستاپ كەلگەن اباي اتىنداعى دارىندى بالالار مەكتەبىنىڭ تۇلەكتەرى دومبىرامەن ولەڭ شۋماقتارىن توگىپ، جالىندى جىرلارىن وقىدى. ءانشى، اكتەر اسەت ەسجان «ءدۇر قامشىنى» اسقاقتاتسا، «الاتاۋ سەرىلەرى» بيزنەس وكىلدەرىنە ارناعان «دامۋ» ءانىن شىرقادى.

«Damu business group» باسشىسى قۇمار جۇماقان ۇجىمنىڭ قۇرىلعانىنا 7 جىل تولعانىن، ءارتۇرلى سالادا بيزنەس جاساپ وتىرعان ازاماتتاردىڭ جىلدىق تابىس كولەمى 60 ميللياردقا جۋىقتايتىنىن حابارلادى. كەشتە ءدىن قىزمەتكەرلەرى ساليقالى ۋاعىز ايتىپ، اقىن-جازۋشىلار رۋحتى جىرلارىن وقىپ، ءار سالا ماماندارى ۇتىمدى ۇسىنىستارىن جەتكىزدى.

ايتا كەتەرلىگى ءار جىلدارى «قامشى» پورتالى وتكىزگەن ەلدىك، ۇلتتىق، مەملەكەتتىك شارالارعا دا «Damu business group» ۇجىمى ايرىقشا قولداۋ كورسەتىپ كەلەدى.