الەۋمەتتىك جەلىدە قازاقستان كورپاراسياسىنا باعىنبايتىنىن حابارلاعان ءبىر توپ بەلسەندىنىڭ ۆيدەوسى جاريالاندى. ۆيدەودا پەتروپاۆل قالاسىنىڭ تۇرعىندارى حالىقتىق جۇمىسشىلار كەڭەسىن قۇرىپ، قازاقستاننان ءبولىنىپ، "تاۋەلسىزدىگىن" جاريالاعان.
جيىندا 19 ادام جاڭا دەكلاراسيانى، جارعى جوباسىن، سيمۆوليكانى، حالىق كەڭەسىنىڭ ءمورىن بەكىتىپ، 1937 جىلعى قازاق كسر كونستيتۋسياسى بويىنشا ءومىر سۇرەتىندەرىن ايتقان. ولار وزدەرىن "ۇلى وتان سوعىسىندا جەڭىسكە جەتكەن باتىرلاردىڭ ۇرپاعىمىز" دەپ تانىستىرعان.
"ءبىز ازات جانە ەركىن حالىقپىز، ەرلەر مەن ايەلدەر، سقو پەتروپاۆل قالاسىنىڭ تۇرعىندارى قازاقستان رەسپۋبليكاسى كورپوراسياسىنىڭ قۇقىقتىق نەگىزىنىڭ جالعاندىعىنا، حالىقتىڭ ومىرىنە قولايسىز جاعدايلار تۋعىزۋىنا، سونىمەن قاتار، ونىڭ اگەنتتەرىنىڭ ارەكەتكە قابىلەتسىزدىگى مەن ابىرويسىزدىعىنا بايلانىستى يگىلىگىمىز بەن رەسۋرستارىمىزدى باسقارۋ جۇيەسىنىڭ بارلىق قۇرىلتايشىسى مەن قىزمەتشىلەرىنە تولىق سەنىمسىزدىك بىلدىرەمىز. ءبىز حالىق، ءوز تاۋەلسىزدىگىمىز بەن ەگەمەندىگىمىزدى جاريالايمىز"، - دەيدى قاتىسۋشىلار الەۋمەتتىك جەلىلەردە تاراعان بەينەدە.
پوسموترەت ەتۋ پۋبليكاسيۋ ۆ Instagram
بۇدان بولەك جينالعاندار قازاقستانداعى باتىس ستاندارتتارىنا باعدارلانعان ءبىلىم بەرۋ جۇيەسىن، ءومىر مەن دەنساۋلىققا ءقاۋىپ توندىرەتىن تاماق ونىمدەرىنىڭ ساپاسىن، مەديسينالىق قىزمەت كورسەتۋ دەڭگەيىن جانە بيزنەس سالاسىن دا سىنعا الدى.
كازتاگ-تىڭ مالىمەتى بويىنشا، سقو پوليسيا دەپارتامەنتى ۆيدەودا وتىرعان تۇرعىنداردىڭ ۇستىنەن قىلمىستىق ءىس قوزعالعانىن حابارلاعان.
دەسە دە بۇگىنگە دەيىن ەلىمىزدە قازاق ءتىلى مەن ەلدىڭ تۇتاستىعىن قورعاعان، تاۋەلسىزدىك ءۇشىن كۇرەسكەن قازاق ءتىلدى ازاماتتار اكىمشىلىك جازا قولدانىلىپ، تۇرمەگە قامالىپ، قۋدالاۋعا ۇشىرادى. ال تىلىمىزگە، داستۇرىمىزگە، تاۋەلسىزدىگىمىزگە ءتىل تيگىزگەن، بۇكىل ۇلتتىڭ نامىسىنا تيگەن وزگە ۇلت وكىلدەرى بولسا تەك كەشىرىم سۇراۋ ارقىلى جازادان قۇتىلدى. پەتروپاۆل قالاسىنداعى سەپاراتيستەرىنىڭ ارەكەتى دە وسىعان دەيىن كەشىرىم بەرىپ، جازا قولدانباعان بيلىكتىڭ جەمىسى.
پىكىر قالدىرۋ