قاراساي اۋداندىق سوتىندا جەرگىلىكتى اكىمدىك پەن بولات نازاربايەۆ اراسىنداعى سوت پروسەسسى ءجۇرىپ جاتىر، دەپ مالىمدەدى "پياتىي رەگيون" اقپاراتتىق پورتالى.
"قاراساي اۋدانىنىڭ پروكۋراتۋراسى جالپى كولەمى 35 گەكتاردان اساتىن جەر تەلىمىن ساتۋ تۋرالى كەلىسىمشارتتى جارامسىز دەپ تانىعان. بۇل جەر تەلىمى سۋارمالى ەگىستىككە ارنالعان اۋىل شارۋاشىلىق القابىنا تيەسىلى، ال جەر كودەكسىنە سايكەس اۋىل شارۋاشىلىق جەرلەرى ساتىلماۋى ءتيىس"، – دەلىنگەن حابارلامادا.
ب ا ق اتالعان جەردى ساتۋ ورەسكەل زاڭبۇزۋشىلىقپەن جۇرگىزىلگەنىن ايتادى. سوندىقتان پروكۋرور كەلىسىمشارتتى جارامسىز دەپ تانىپ، جەر تەلىمىن مەملەكەتكە قايتارۋدى تالاپ ەتكەن.
وسىعان دەيىن بولات نازاربايەۆ "وپتوۆكا" بازارىنان، ماڭعىستاۋ مەن جامبىلداعى 300 مىڭ گەكتارعا جۋىق جەرىنەن ايىرىلعان بولاتىن. سونىمەن قاتار، جوعارعى سوت ناۋرىز ايىندا وعان الماتى اۋىر ماشينا جاساۋ زاۋىتىنىڭ اكسيالارىن مەملەكەت مەنشىگىنە قايتارۋدى مىندەتتەدى.
پىكىر قالدىرۋ