بۇگىنگى الماتىدا وتكەن ميتينگتە جاس بەلسەندى قاماتاي دىنمۇحامەد بيلىكتىڭ قاڭتار وقيعاسىن ءالى تۇسىنبەگەنىن ايتتى.
"وسى الاڭدا قاڭتاردىڭ ءبىرىنشى تۇنىنەن باستاپ سوڭىنا دەيىن بولعان 20 ازاماتتىڭ ءبىرىمىن. قاڭتاردىڭ نە ءۇشىن بولعانىن بيلىك ءالى تۇسىنبەگەنىن كورىپ تۇرمىن. ويتكەنى قاڭتاردىڭ باستى سەبەبى – جوقشىلىق. قاڭتاردىڭ سوڭعى ءتۇنى "ءبىزدى اتىپ-ولتىرەدى" دەگەندە 300 قازاق قالدى. مەن ءاربىرىنىڭ اڭگىمەسىن تىڭدادىم. ويتكەنى قازاقتىڭ جۇمىسى جوق. وتباسىنىڭ الدىنا قوياتىن تاماعى جوق، جاعدايى جوق. جۇمىسقا تۇرايىن دەسە "كوكەسىنىڭ نە بالاسىنىڭ" ورنى. بيلىك وسىنى ءالى كۇنگە دەيىن تۇسىنبەگەنى وكىنىشتى"، دەدى قاماتاي دىنمۇحاممەد.
سونداي-اق ول بيلىك قاڭتار وقيعاسىنىڭ تۇپكى سەبەبىنە ءۇڭىلىپ، تۇسىنبەيتىن بولسا مۇنداي قايعىلى وقيعالار قايتالاناتىنىن ەسكەرتتى.
پىكىر قالدىرۋ