توقايەۆ پەن جانىنداعى ادامدار قازاق مەملەكەتىن باسقارا المايدى. بۇل تۋرالى الماتىداعى ميتينگ كەزىندە ەكس-دەپۋتات نۇرجان التايەۆ حابارلادى.
"توقايەۆ جانە جانىنداعى ادامدار قازاق مەملەكەتىن باسقارا المايدى. بۇعان كوزىمىز جەتىپ وتىر. بىرەۋلەر توقايەۆ التى ءتىل بىلەدى، ءبىلىمدى دەپ ايتىپ جاتىر. الايدا ول ءوز حالقىنىڭ ءتىلىن بىلمەسە، حالقىنىڭ ماسەلەسىن تۇسىنبەسە بىزگە كەرەك ەمەس. بيلىكتە وتىرعان ادامدار ءبىزدىڭ ەلدىگىمىىز مەن تاۋەلسىزدىگىمىزدى ۇلكەن قاۋىپكە تىگىپ جاتىر. ءقازىر ستراتەگيالىق نىسانداردى رەسەيگە بەرىپ جاتىر. مۇنى قازاق حالقى بولىپ توقتاتۋىمىز كەرەك! باسقا مەملەكەتكە تاۋەلسىزدىگىمىزدى بەرىپ قوياتىن بيلىكتىڭ بىزگە كەرەگى جوق. وسىنى قازاق حالقىنا ءتۇسىندىرۋىمىز كەرەك. حالىقتىڭ پارلامەنت وسى جۇمىسپەن اينالىساتىن بولادى. وسىلايشا قازىرگى بيلىكتى زاڭدى تۇردە ءوز ورنىنان كەتىرۋىمىز كەرەك"، دەدى نۇرجان التايەۆ.
ءسوز سوڭىندا شەرۋشىلەر "بوستاندىق" جانە "شال كەت" دەپ ۇرانداتتى.
پىكىر قالدىرۋ