الماتىداعى ميتينگ كەزىندە قۇقىققورعاۋشى مارجان اسپانديار سايلاۋ، بەيبىت جيىن جانە ساياسي پارتياعا قاتىستى زاڭدارعا وزگەرىس ەنگىزىلۋى كەرەگىن ايتتى.
"ءبىزدىڭ پوليسيا دا، سوت تا، ۇقك دە قىلمىستىق بيلىكتىڭ شاشپاۋىن كوتەرىپ وتىر. سايلاۋ كەزىندە قانداي زاڭسىزدىقتار بولعانىن بىلەسىزدەر. ارىز-شاعىم جازدىق. ءبىراق وتىرىك جاۋاپتار كەلدى. الماتى قالالىق ءماسليحاتتىڭ بەيبىت جيىن تۋرالى زاڭعا وزگەرىس جاساۋى كەرەگىن تالاپ ەتتىك. الايدا الماتى قلااسىنداعى بەيبىت جيىن وتكىزەتىن ورىندارعا قاتىستى زاڭعا وزگەرىستەر ەنگىزىلۋى كەرەك. قازىرگى استانا قالاسىنداعى ورىندارىنا جايعاسقان دەپۋتاتتاردى مويىندامايمىز. الايدا ولاردىڭ ىشىندە "ءبىز شىنايى دەپۋتاتپىز، زاڭدى تۇردە سايلاندىق" دەپ ايتىپ جۇرگەندەر بار. سول دەپۋتاتتار سايلاۋ تۋرالى، بەيبىت جيىن جانە ساياسي پارتيالار تۋرالى زاڭدارعا وزگەرىس ەنگىزىلۋىن تالاپ ەتۋى كەرەك. حالىقتىق پارلامەنت زاڭنىڭ قاي بابىنا وزگەرىس ەنگىزىلۋى كەرەگىن ايتىپ، كومەكتەسۋگە دايىنبىز"، دەدى مارجان اسپانديار.
سونداي-اق ميتينگ ۇيىمداستىرۋىشىلارىنىڭ ءبىرى مۇحتار تايجان جاڭادان دەپۋتات بولىپ سايلانعان ەرمۇرات باپي مەن ابزال قۇسپانعا ۇندەۋ جاسادى.
"وسى زاڭدارعا وزگەرىس ەنگىزۋ كەرەگىن ەرمۇرات باپي مەن ابزال قۇسپان ماجىلىستە كوتەرۋى كەرەك"، دەدى ول.
