الماتىدا وتكەن ميتينگىدە رىسبەك سارسەنباي ۇلى قورىتىندىلاپ، حالىقتىق پارلامەنتتىڭ قارارىن وقىدى.
"ءبىز بۇگىن باس پروكۋراتۋرانىڭ زاڭسىز ەسكەرتپەسىنە قاراماستان ميتينگىگە جينالدىق. ەندى بۇگىن ايتىلعان ۇسىنىستاردى قورىتا كەلە، ارناي قارار قابىلدايمىز. قارار الدىن الا دايىندالعان جوق. نەگىزى الاڭدى قورشاپ، ميتينگ وتكىزۋدى توقتاتىپ تاستايدى دەپ ويلادىق. الايدا ەشتەڭەدەن قورىقپاستان ميتينگىگە كەلگەندەرگە العىس ايتقىم كەلەدى"، دەدى رىسبەك سارسەنباي ۇلى.
سونداي-اق ميتينگ سوڭىندا حالىقتىق پارلامەنتتىڭ قارارىن وقىدى:
- ق ر پارلامەنت ءماجىلىسىنىڭ سايلاۋى زاڭسىز دەپ تانىلسىن
- قازىرگى توقايەۆتىڭ باسقارىپ وتىرعان پارلامەنتى لەگيتيمدى ەمەس دەپ سانالسىن
- قازىرگى زاڭدى جولمەن سايلانباعان "امانات" جانە باسقا پارتيالاردان قۇرالعان سمايىلوۆتىڭ ۇكىمەتى – ەشقانداي سىن كورمەيتىن ءالجۋاز ۇكىمەت. سول سەبەپتى ولارعا سەنىمسىزدىك ءبىلدىرىلسىن.
- تاۋەلسىزدىك الاڭى قانتوگىستىڭ ەمەس بەيبىت ميتينگىلەرگە ارنالعان الاڭ بولسىن. الماتى قالالىق ماسليحاتى بۇعان دەيىنگى شەشىمدەرىنە وزگەرتۋ ەنگىزىلسىن.
"ق ر ىشتەن دە سىرتتان دا ءقاۋىپ ءتونىپ تۇر. ەلىمىزدەگى سەپەراتيزمنىڭ قانداي دا ءبىر تۇرىنە قاتاڭ تىيىم سالىنسىن. سەپاراتيستەردى قاماۋ كەرەك. ال سەپاراتيستەرگە قارسى كۇرەسىپ، ۇلتشىلدىقتى ناسيحاتتاپ جۇرگەن ساياسي تۇتقىندار بوساتىلسىن"، – دەدى ول.
رىسبەك سارسەنباي ۇلى حالىقتىق پارلامەنتتىڭ جيىندارىنا قاتىسۋشىلاردىڭ سانى الداعى ۋاقىتتا ارتاتىنىن سەنىمدى.
"قورقاتىن ەشتەڭە جوق. بۇعان دەيىن دە جيىن وتكىزدىك. الايدا ءقازىر 2 ەسە كوپپىز. بۇدان كەيىنگى جيىنداردا دا كوبەيەتىن بولامىز. ءبىز بۇعان سەنەمىز. بيلىكتەن قورىقپايمىز! كونستيتۋسيا جاساسىز! ادىلدىك جاساسىن! زاڭدىلىق جاساسىن!"، دەپ ميتينگىنى قورىتىندىلادى رىسبەك سارسەنباي ۇلى.
ميتينگ سوڭىندا قاتىسۋشىلار ءانۇران ايتىپ، بىرگە فوتوعا ءتۇستى. شەرۋ بارىسىندا زاڭبۇزۋشىلىقتار ورىن العان جوق.
پىكىر قالدىرۋ