استاناداعى ءورتتى ءسوندىرۋ جۇمىستارى ءالى جالعاسىپ جاتىر. بۇعان دەيىنگى ءورت اۋماعى 80 گەكتارعا جەتكەنى حابارلانعان ەدى.
تجد، «استانا ورمانى» بولىمشەلەرىنىڭ كۇشىمەن جەكەلەگەن ءورت ورىندارىن جىرتۋ جانە ۇنەمى قاراۋىلداۋ جۇمىستارى جۇرگىزىلۋدە. ءورتتى ءسوندىرۋ باستالعاننان بەرى اۆياسيا ءورت وشاقتارىنا 149 رەت كولەمى 447 توننا سۋ توكتى.
20 ماۋسىم كۇنى ساعات 20.16-دا قاراعاندى جانە اقمولا وبلىستارىنىڭ تجد كۇشتەرى مەن قۇرالدارى ۇيلەرىنە كەتتى.
تج ءمينيسترى سىرىم ءشارىپحانوۆ كورشى وڭىرلەردەن كەلگەن ءورت سوندىرۋشىلەرگە جەدەل دەن قويعانى جانە ەلوردالىق ءورت سوندىرۋشىلەرگە قۇرعاق شوپتەردىڭ ورتەنۋىن سوندىرۋگە كورسەتكەن كومەگى ءۇشىن العىسىن ءبىلدىردى.
سوندىرۋگە قازىرگى ۋاقىتتا بارلىعى 34 ادام، 8 بىرلىك تەحنيكا جۇمىلدىرىلدى.
جەرگىلىكتى جەردە ءورت ءسوندىرۋ شتابى جۇمىسىن جالعاستىرۋدا.
قالا اكىمدىگى ەرىكتىلەرمەن بىرلەسىپ ءورتتى سوندىرۋگە قاتىسۋشىلار ءۇشىن تاماق ۇيىمداستىردى.
پىكىر قالدىرۋ