الماتىدا كولىك ۇرلادى دەگەن كۇدىكپەن ۇستالعان ازامات پوليسەي كولىگىندە سۋيسيد جاسادى.
وقيعا جەتىسۋ اۋدانىندا بولعان. كۇدىكتى تەرگەۋ توبىنىڭ كولىگىندە وزىنە قول جۇمساعان. الماتى پوليسيا دەپارتامەنتىنىڭ باسپا ءسوز قىزمەتى بۇل اقپاراتتى راستادى.
"قازىرگى ۋاقىتتا ءوز تانىسىنان Toyota اۆتوكولىگىن اشىق تۇردە ۇرلادى دەگەن كۇدىكپەن ۇستالعان 1980 جىلى تۋعان ازامات ي.ء-دىڭ ءولىمى دەرەگى بويىنشا تەرگەۋ امالدارى جۇرگىزىلىپ جاتىر.
ساراپتاما قورىتىندىسىنا سايكەس، مارقۇم ماس كۇيدە بولعان. ءمان-جاي انىقتالىپ جاتىر"، - دەدى الماتى پد باسپا ءسوز قىزمەتى وكىلدەرى.
پىكىر قالدىرۋ