شىمكەنتتە جولاۋشىلار كولىگى باسقارماسىنىڭ باسشىسى پارا الدى دەگەن كۇدىكپەن ۇستالدى.
ول مەگاپوليستىڭ الەۋمەتتىك ماڭىزى بار باعىتتارى بويىنشا جولاۋشىلار تاسىمالىن سۋبسيديالاۋ كەزىندە بيۋدجەت قاراجاتىن كەدەرگىسىز تولەگەنى ءۇشىن كاسىپكەردەن 13 ميلليون تەڭگە كولەمىندە پارا الدى دەپ ايىپتالىپ جاتىر. بۇل تۋرالى انتيكوردىڭ شىمكەنتتەگى دەپارتامەنتىنىڭ باسشىسى داۋرەن ەرعارين مالىمدەدى.
"سوتتىڭ سانكسياسىمەن كۇدىكتى 2 اي مەرزىمگە قاماۋعا الىندى. سوتقا دەيىنگى تەرگەپ–تەكسەرۋ جالعاسۋدا، قىلمىستىق–پروسەستىك كودەكستىڭ 201 بابىنا سايكەس وزگە اقپارات جاريا ەتۋگە بولمايدى"، – دەدى داۋرەن ەرعارين.
پىكىر قالدىرۋ