ۆيسە-پرەمەر – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا جىل سوڭىنا دەيىن زەينەتاقى تاعى كوتەرىلە مە دەگەن سۇراققا جاۋاپ بەردى.
"بۇل ينفلياسيا دالىزىنە بايلانىستى. ءقازىر ۇلتتىق بانك ماۋسىم ايىندا ينفلياسيا 15 پروسەنت بولاتىنىن ايتتى. سول سەبەپتى ينفلياسيا دەڭگەيىنە قارايمىز"، - دەپ جاۋاپ بەردى دۇيسەنوۆا ۇكىمەت كۋلۋارىندا.
مينيستر بيىل قاڭتار ايىنان باستاپ ەلىمىزدە بازالىق زەينەتاقى تولەمى وسكەنىن اتاپ ءوتتى.
"بازالىق زەينەتاقىسى از بولعان ازاماتتاردىڭ تولەمى 21 پروسەنتكە ارتتى. ورتاشا كولەمدە الاتىنداردىڭ زەينەتاقىسى وسىدان ءسال تومەن، ال جوعارى زەينەتاقى الاتىنداردا 8،5 پروسەنتكە كوتەرىلدى"، - دەدى ول.
پىكىر قالدىرۋ