قازاقستاندا حالىققا ارنالعان كومىر شەتەلگە استىرتىن ساتىلىپ جاتىر. بۇل تۋرالى يندۋستريا جانە ينفراقۇرىلىمدىق دامۋ ءمينيسترى مارات قارابايەۆ مالىمدەدى.

ءمينيستردىڭ ايتۋىنشا، قازاقستاندا 110 ملن توننا كومىر وندىرىلەدى. ال حالىقتىڭ تۇتىنۋىنا جىلىنا 9،3 ملن توننا كومىر قاجەت.

"حالىققا جەتكىزىلەتىن كومىردىڭ باعاسى ەسپورتتاعى كومىردىڭ باعاسىمەن سالىستىرعاندا 5-6 ەسە تومەن. حالىققا بارىپ جاتقان كومىردى كەيبىر كاسىپكەرلەر الىپ، شەتەلگە ساتىپ جاتىر. وزبەكستانعا، قىرعىزستانعا شىعارادى. سونى بولدىرماس ءۇشىن ەلىمىزدەن اۆتوموبيلمەن كومىردى شەتەلگە شىعارۋعا تىيىم سالدىق"- دەدى مارات قارابايەۆ ۇكىمەت كۋلۋارىندا.

الايدا كاسىپكەرلەر كومىردى سىرت ەلگە شىعارۋدىڭ باسقا جولىن تاۋىپتى.

"ەندى ولار كومىردى كولىكپەن پويىزعا جەتكىزىپ، شەتەلگە پويىزبەن شىعارىپ جاتىر. ماسەلە وسىندا. كومىردى ەرتەرەك جاز ۋاقىتىندا الۋ كەرەك" - دەدى مينيستر.