ىشكى ىستەر مينيسترلىگى استاناداعى ويىن-ساۋىق ورتالىعىندا بولعان بۇزاقىلىق دەرەگى بويىنشا تەرگەۋدى جالعاستىرىپ جاتىر، دەپ حابارلايدى Polisia.kz.
مينيسترلىكتىڭ مالىمەتىنشە، وقيعا 18 ماۋسىمدا استاناداعى "Mega Silk Way" ساۋدا-ويىن-ساۋىق ورتالىعىنداعى كافەلەردىڭ بىرىندە قوعامدىق ءتارتىپ بۇزىلىپ، كەلۋشىلەردىڭ ءبىرى ەكىنشىسىن ۇرىپ-سوققان.
"قازىرگى ۋاقىتتا وسى فاكت بويىنشا قىلمىستىق كودەكستىڭ 293-بابىمەن (بۇزاقىلىق) سوتقا دەيىنگى تەرگەۋ باستالدى، ول 5 جىلعا دەيىن باس بوستاندىعىنان ايىرۋدى كوزدەيدى"، - دەلىنگەن ۆەدومستۆو حابارلاماسىندا.
ىشكى ىستەر ورگاندارى بارلىق قاجەتتى جەدەل-تەرگەۋ ءىس-شارالارى جۇرگىزىلىپ جاتقانىن، ولاردىڭ ناتيجەلەرى بويىنشا قۇقىقتىق باعا بەرىلەتىنىن مالىمدەدى.
ەسكە سالا كەتەيىك، استاناداعى ءىرى ساۋدا ويىن-ساۋىق ورتالىعىنداعى كافەلەردىڭ بىرىندە جانجال بولىپ، قولىندا بالاسى بار ەر ادامعا كاسىبي بوكسشى بەيبىت شۇمەنوۆ جۇدىرىق الا جۇگىرگەن ەدى.
پىكىر قالدىرۋ