پرەزيدەنت سادىر جاپاروۆ "قىرعىزستان مەملەكەتتىك ءتىلى تۋرالى" كونستيتۋسيالىق زاڭعا قول قويدى. جاڭا زاڭعا سايكەس ورىس ءتىلى رەسمي بولىپ قالا بەرەدى.
بيىل مامىردا ماقۇلداعان زاڭ بويىنشا، مۇنان بىلاي مەملەكەتتىك جانە جەرگىلىكتى ءوزىن-وزى باسقارۋ ورگاندارىندا، مەنشىك تۇرىنە قاراماستان بارلىق كاسىپورىندار مەن مەكەمەلەردە قىرعىز ءتىلىن قولدانۋ مىندەتتى سانالادى.
قىرعىز ءتىلىن بىلۋگە مىندەتتەلگەن قىزمەتكەرلەردىڭ ءتىزىمى سايتقا جاريالاندى.
زاڭدا تاعى نە قاراستىرىلعان:
- بىرلەسكەن جانە شەتەلدىك ۇيىمداردىڭ اتاۋلارى قىرعىز تىلىندەگى ترانسليتەراسيامەن رەسىمدەلەدى؛
- تەلەراديوكومپانيالار، ونىڭ ىشىندە جەكەمەنشىك كومپانيالار مەملەكەتتىك تىلدەگى باعدارلامالاردىڭ كەمىندە 60 پايىزىن جۇرگىزۋى ءتيىس؛
- ورىس ءتىلى رەسمي ءتىل رەتىندە قولدانىلادى.
"قىرعىزستان ەل اۋماعىندا تۇراتىن بارلىق ەتنوس وكىلدەرى تىلدەرىن ەركىن پايدالانۋ قاعيداتىن ۇستانادى جانە وسى تىلدەردىڭ دامۋىنا جاعداي جاساۋعا كەپىلدىك بەرەدى. ءاربىر ازامات انا ءتىلىن ساقتاۋ، ۇيرەنۋ جانە دامىتۋ ءۇشىن جاعداي جاساۋعا قۇقىلى"، - دەلىنگەن قۇجاتتا.
پىكىر قالدىرۋ