قاراعاندىدا اۋىر قىلمىسى ءۇشىن سوتتالعان 35 جاستاعى ەر ادام قاشىپ كەتتى. كەيىن ونىڭ ۇستالعانى بەلگىلى بولدى، - دەپ حابارلايدى ءىىم باسپا ءسوز قىزمەتى.

"قاراعاندى وبلىستىق پوليسيا دەپارتامەنتىنىڭ قىزمەتكەرلەرى 18 شىلدەگە قاراعان ءتۇنى مەديسينالىق مەكەمەدەن قاشىپ كەتكەن سوتتالعان ازاماتتىڭ مەكەنجايىن انىقتاۋ جانە ۇستاۋ بويىنشا كەشەندى ءىس-شارالار جۇرگىزىلىپ جاتىر. ول 35 جاستاعى باتىس-قازاقستان وبلىسىنىڭ تۋماسى اۋىر قىلمىس جاساعانى ءۇشىن سوتتالعان"، - دەلىنگەن حابارلامادا.

ازاماتتىڭ قاشىپ كەتۋ دەرەگى بويىنشا قاراعاندى پوليسياسى گارنيزونىنىڭ جەكە قۇرامىنا باعىتتاما بەرىلگەنى ايتىلدى.

"بەلگىلەرى: تولىق دەنەلى، بويى 165 سم، شاشى قارا. ۇستىندە اق فۋتبولكا، قارا اياق كيىم، قارا شالبار جانە باسىندا قارا كەپكا بولعان"، - دەلىنگەن حابارلامادا.

كەيىنىرەك، 18 شىلدەدە جۇرگىزىلگەن جەدەل-ىزدەستىرۋ ءىس-شارالارى بارىسىندا قاشىپ كەتكەن ەر ادامدى جەدەل قىزمەتكەرلەر ۇستاعانى حابارلاندى.

دەرەك بويىنشا قاراعاندى ​​وبلىسىنىڭ پوليسيا دەپارتامەنتى ق ر قك-نىڭ 426-بابى بويىنشا سوتالدى تەرگەۋ امالدارىن جۇرگىزىلىپ جاتىر.

"قاراعاندى قالالىق پوليسيا باسقارماسى، ميحايلوۆ پوليسيا ءبولىمىنىڭ كريمينالدىق پوليسيا قىزمەتكەرلەرىمەن جۇرگىزىلگەن كەشەندى جەدەل-ىزدەستىرۋ ءىس-شارالارى بارىسىندا اۋرۋحانادان قاشقان سوتتالعان ەر ادام قالاداعى گاراجداردىڭ ءبىرىنىڭ ماڭىنان ۇستالدى. ول پوليسيا بولىمىنە جەتكىزىلدى. تەرگەۋ ارەكەتتەرى جۇرگىزىلىپ جاتىر"، - دەلىنگەن حابارالامادا.

سوتالدى تەرگەپ-تەكسەرۋ دەرەكتەرى جاريا ەتىلمەيدى دەپ حابارلاندى