قايرات ساتىبالدى جازاسىن وتەپ جاتقان كولونيادا قاقتىعىس بولدى. قاقتىعىستان كەيىن 4 ادام زارداپ شەكتى دەپ جازادى كازتاگ. 

«2023 جىلدىڭ 14 شىلدەسىندە شقو بويىنشا قاجد №22 مەكەمەسىندە اكىمشىلىك قىزمەتكەرلەرى تۇرمىستىق نەگىزدە تۋىنداعان جانجالدى جاعدايدى توقتاتتى. فاكتى مالىمەت كىتابىنا تىركەلىپ، تەرگەۋ-جەدەل توبى شاقىرىلدى. ءقازىر قىزمەتتىك تەرگەۋ ءجۇرىپ جاتىر. قاقتىعىس كەزىندە ءتورت سوتتالۋشى جەڭىل دەنە جاراقاتتارىن الدى، زارداپ شەككەندەرگە قاجەتتى مەديسينالىق كومەك كورسەتىلدى. قازىرگى ۋاقىتتا جانجالعا كىنالىلەر تارتىپتىك جاۋاپكەرشىلىككە تارتىلىپ، تارتىپتىك يزولياتورعا قامالدى»، - دەپ حابارلادى ق ر ءىىم قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى. 

ايتا كەتەيىك، قايرات ساتىبالدى وسى كولونيادا جازاسىن وتەپ جاتىر. ءبىر كۇن بۇرىن ينتەرنەتتە وقيعانىڭ سالدارىنان ءتورت ادامنىڭ پىشاقتالعانى تۋرالى اقپارات تاراعان بولاتىن.