ەڭبەك جانە حالىقتى الەۋمەتتىك قورعاۋ مينيسترلىگى ەتنيكالىق قازاقتارعا بەرىلەتىن "اتا جولى" كارتاسىن قالاي الۋعا بولاتىنىن ءتۇسىندىردى.
"اتا جولى" كارتاسى – ەتنيكالىق قازاقتارعا ەلىمىزدە بيزنەس-كەيستەرىن ىسكە اسىرۋعا جانە ەلدە تاپشى مامانداردىڭ قىزمەت ەتۋىنە بەرىلەتىن قۇجات. كارتا يەلەرىنە رەسپۋبليكا اۋماعىندا ازاماتتىعىن ساقتاي وتىرىپ، 10 جىلعى دەيىن تۇراقتى تۇرۋعا رۇقسات بەرىلەدى.
"اتا جولى" كارتاسى ءۇش ساناتتىڭ بىرىنە سايكەس كەلەتىن شەتەلدە تۇراتىن ەتنيكالىق قازاقتارعا بەرىلەدى:
-
ۇمىتكەردىڭ قازاقستاندا تالاپ ەتىلەتىن ماماندىق يەسى بولۋى؛
-
تۇراقتى تۇراتىن نەمەسە ازاماتتىعى بار ەلدە تىركەلگەن بيزنەسىنىڭ بولۋى.
"كارتانى الۋ ءۇشىن "قۇتتى مەكەن" ءموبيلدى قوسىمشاسى ارقىلى ءوتىنىش بەرۋ نەمەسە قازاقستان ەلشىلىگىنە جۇگىنۋ قاجەت. تىركەلگەننەن كەيىن ءوتىنىم بەس جۇمىس كۇنى ىشىندە قارالادى، سودان كەيىن الەۋمەتتىك قورعاۋ جانە حالىقتى جۇمىسپەن قامتۋ سالاسىنداعى جەرگىلىكتى اتقارۋشى ورگان سول قوسىمشا ارقىلى الۋشىنى قۇجاتتىڭ ۇسىنىلعانى تۋرالى حاباردار ەتەدى"، - دەلىنگەن حابارلامادا.
"اتا جولى" كارتاسىن "قۇتتى مەكەن" قوسىمشاسىنان الۋعا بولادى.
وسىدان كەيىن ەتنيكالىق قازاق ۆيزا الۋ ءۇشىن قازاقستان سىرتقى ىستەر مينيسترلىگىنىڭ شەتەلدەگى مەكەمەسىنە جۇگىنەدى نەمەسە (تۇراتىن ەلىمەن ۆيزاسىز رەجيمدە) كوشىپ كەلۋشىلەردىڭ كەلۋى مەن بولۋىنىڭ قازاقستاندىق تارتىبىنە سايكەس بىردەن ەلگە كەلە الادى.
قازاقستانعا كەلگەننەن كەيىن "اتا جولى" كارتاسىنىڭ يەگەرى ۇزارتۋ مۇمكىندىگىمەن 10 جىل مەرزىمگە تۇرۋعا ىقتيارحاتتى رەسىمدەۋ ءۇشىن اۋماقتىق ىشكى ىستەر ورگاندارىنا جۇگىنۋگە ءتيىس.
كارتا الىنعان ساناتقا بايلانىستى ەتنيكالىق قازاق نە جۇمىس بەرۋشىمەن شارتقا قول قويادى جانە ونى "ەڭبەك شارتتارىن ەسەپكە الۋدىڭ ءبىرىڭعاي جۇيەسىندە" تىركەيدى، نە ءوزىنىڭ بيزنەس-جوسپارىن جۇزەگە اسىرۋعا كىرىسەدى.
"اتا جولى" كارتاسى يەگەرلەرىنىڭ ەتنيكالىق قازاقتاردان باستى ايىرماشىلىعى – ولار باسقا ەلدىڭ ازاماتى بولىپ قالا وتىرىپ، ازاماتتار مەن قانداستار سياقتى قۇقىقتارعا يە بولادى، دەپ اتاپ ءوتتى مينيسترلىكتەگىلەر.
بۇدان باسقا، "اتا جولى" كارتاسىنىڭ يەگەرلەرى قازاقستان رەسپۋبليكاسىنىڭ ازاماتتىعىن وڭايلاتىلعان تارتىپپەن الۋعا مۇمكىندىگى بار.
ايتا كەتەرى، "اتا جولى" كارتاسى بار ادامدار قازاقستاننىڭ مەملەكەتتىك ورگاندارى مەن جەرگىلىكتى ءوزىن-وزى باسقارۋ ورگاندارىنا سايلاۋعا جانە سايلانۋعا قۇقىعى جوق، رەسپۋبليكالىق رەفەرەندۋمعا قاتىسا المايدى جانە مەملەكەتتىك قىزمەتتە جۇمىس ىستەي المايدى.
دەرەككوز: sputnik.kz
پىكىر قالدىرۋ