الماتى قالاسىنىڭ اكىمى ەربولات دوسايەۆ قالا تۇرعىنىنىڭ "وتستاۆكاعا كەتەسىز بە؟" دەگەن سۇراعىنا جاۋاپ بەردى.

تۇرعىننىڭ ايتۋىنشا، دوسايەۆتىڭ كەتكەنىن تالاپ ەتەتىن پەتيسياعا 57 مىڭنان استام ادام قول قويعان.

بۇل سۇراققا جاۋاپ بەرگەن دوسايەۆ پەتيسياعا "بوتتار قول قويىپ جاتقانىن، جالپى شەشىمدى تۇرعىندار ەمەس، پرەزيدەنت قابىلدايتىنىن" اتاپ وتكەن.

"بۇل جەردە بالكىم بوتتار جۇمىس ىستەيتىن بولۋى كەرەك. پەتيسياعا قاراسام، ول جەردە جسن ءنومىرىن، تەگىن كورسەتپەيتىندەر دە ءجۇر. تۇراقتى تۇردە كوتەرىلىپ جۇرگەن ماسەلەلەردى نازاردا ۇستاپ وتىرمىن، ۋادە بەرىپ قانا قويماي، ۇلكەن جۇمىستى دا اتقارىپ جاتىرمىز. قالا ءتىرى مەحانيزم ىسپەتتەس، كۇندە بىردەڭە بولادى. ماعان اكىم رەتىندە سىزدەردىڭ پىكىرلەرىڭىز ماڭىزدى. ءبىراق مەنى بۇل قىزمەتكە مەملەكەت باسشىسى تاعايىندادى، شەشىم قابىلدايتىن دا سول"، - دەيدى دوسايەۆ.

ەسكە سالا كەتسەك، دوسايەۆتىڭ وتستاۆكاسىن تالاپ ەتكەن پەتيسياعا قارسى رەسەيدەن بوتتار داۋىس بەرگەنى حابارلانعان ەدى. ول بوتتار اكىمنىڭ وتستاۆكاسى جاپپاي قارسى داۋىس بەرگەن.