ەنەرگەتيكا مينيسترلىگى سۇيىتىلعان گازدى ەلدەن ءۇش جىلعا اۆتوموبيلمەن جانە التى ايعا تەمىرجول كولىگىمەن ەكسپورتتاۋعا تىيىم سالۋ تۋرالى بۇيرىق جوباسىن ازىرلەدى. قۇجات جوباسى "اشىق نقا" سايتىندا قوعامدىق تالقىلاۋعا شىعارىلدى.
"قازاقستاندا سۇيىتىلعان مۇناي گازىنىڭ بولشەك ساۋداداعىباعاسىن مەملەكەت رەتتەپ وتىرعانى بەلگىلى، سوعان بايلانىستى حالىق پەن كوپتەگەن ونەركاسىپتىك كاسىپورىن وتىننىڭ وسى تۇرىنە جىلدام كوشىپ جاتىر. 2022 جىلى ىشكى نارىقتا تۇتىنۋ كولەمى 2021 جىلمەن سالىستىرعاندا 28%-عا ءوستى.سونىمەن قاتار 2023 جىلدىڭ 6 ايىندا وتكەن جىلدىڭ سايكەس كەزەڭىمەن سالىستىرعاندا تۇتىنۋ كولەمى شامامەن 100 مىڭ تونناعا ارتتى"، - دەلىنگەن ەنەرگەتيكا مينيسترلىگىنىڭ حابارلاماسىندا.
ىشكى نارىقتىڭ سۇرانىسى ايىنا 130-140 مىڭ توننا (اكىمدىكتەردىڭ مالىمەتى بويىنشا) بولعان كەزدەەنەرگەتيكا مينيسترلىگى ماۋسىمعا بايلانىستى 120-130 مىڭ توننا نەمەسە سۇرانىستىڭ 90%-ىن بولەدى.
ءوندىرىس ورىندارىنىڭ جوسپارلى جانە جوسپاردان تىس جوندەۋ جۇمىستارى كەزىندە ىشكى نارىقتىڭ 15-25% كولەمىندەگى قاجەتتىلىگى وتەلمەي قالادى.
پىكىر قالدىرۋ