ەڭبەك جانە حالىقتى الەۋمەتتىك قورعاۋ مينيسترلىگى قازاقستانداعى زەينەتاقىنىڭ ورتاشا مولشەرىن جاريالادى. 

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 1 تامىزداعى جاعداي بويىنشا زەينەتكەرلەر سانى 2 ملن 301 مىڭ ادامدى قۇرايدى.

2023 جىلعى 1 تامىزداعى جاعداي بويىنشا جيىنتىق زەينەتاقىنىڭ ورتاشا مولشەرى 120 923 تەڭگەنى قۇرادى، ونىڭ ىشىندە ىنتىماقتى زەينەتاقى مولشەرى – 83 092 تەڭگە، بازالىق زەينەتاقى – 37 831تەڭگە.

ەسكە سالايىق، شىلدەدە جالپى زەينەتاقىنىڭ ورتاشا مولشەرى 120 641 تەڭگە بولدى.

ەڭبەك مينيسترلىگىندە 2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى ءاربىر الۋشىعا ونىڭ زەينەتاقى جۇيەسىنە قاتىسۋ ءوتىلى ەسكەرىلە وتىرىپ، جەكە تاعايىندالادى.

بۇل رەتتە، كورسەتىلگەندەي، زەينەتاقى جۇيەسىنە قاتىسۋ وتىلىنە 1998 جىلعى 1 قاڭتارداعى جاعداي بويىنشا ىنتىماقتاستىعى جۇيەسىندە ەسەپتەلگەن ەڭبەك ءوتىلى، سونداي-اق مىندەتتى زەينەتاقى جارنالارى (مزج) تولەنگەن كەزەڭدەر كىرەدى.

"ەگەر زەينەتاقى جۇيەسىنە قاتىسۋ مەرزىمى 10 جىل جانە ودان از بولسا، سونداي-اق بازالىق زەينەتاقىنىڭ مولشەرى ەڭ تومەنگى كۇنكورىس دەڭگەيىنىڭ 60 پايىزىنا تەڭ بولسا، وندا 10 جىلدان اسقان ءاربىر جىل ءۇشىن ونىڭ مولشەرى ەكى پايىزعا ارتادى. مىسالى، قاتىسۋ مەرزىمى 20 جىل بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ 80 پايىز بولادى. ەگەر ەڭبەك ءوتىلى 30 جىل جانە ودان دا كوپ بولسا، ول ەڭ تومەنگى كۇنكورىس دەڭگەيىنىڭ 100 پايىزىنان اسپايتىن مولشەردە بەلگىلەنەدى"، - دەدى ۆەدومستۆو وكىلدەرى.