الماتى قالالىق پوليسيا دەپارتامەنتى "ماۋگلي بالالاردىڭ اناسى" اتا-انا قۇقىعىنان ايىرىلاتىنىن ايتتى، - دەپ حابارلايدى Polisia.kz.
دابىل قاققان مەدەۋ اۋداندىق پب يۋۆەنالدى پوليسيا ءبولىمىنىڭ ينسپەكتورى بىرنەشە كۇن بويى پوليسيادا ەسەپتە تۇرعان 41 جاستاعى ح. ەسىمدى ازاماتشانىڭ وتباسىن تەكسەرۋگە ارەكەتتەنگەن.
"بۇل وتباسىن بيىلعى مامىردا تىركەدىك، بالالاردىڭ اناسى پاۆلوداردان كەلگەن. تەكسەرۋ كەزىندە ايەل بايلانىسقا شىعۋعا قۇلىقسىز بولدى. كەزەكتى تەكسەرۋ بارىسىندا، 8 تامىزدا بىردەڭەنىڭ دۇرىس ەمەس ەكەنىن سەزدىم: ۇيدە دىبىستار ەستىلدى، ءبىراق ەسىكتى ەشكىم اشپادى. مەنىڭ دابىلىم بويىنشا وقيعا ورنىنا جەرگىلىكتى ۋچاسكەلىك ينسپەكتور، تجد قىزمەتكەرلەرى مەن قامقورشىلىق وكىلدەرى تارتىلدى. ەسىك كۇشپەن اشىلدى. ساراپتامامەن راستالعانداي، ايەل ۇيدە "ورتاشا دارەجەدەگى" الكوگولدىك ماساڭ كۇيدە بولعان. 2016 جىلى تۋعان قىز بالاعا، 2018 جىلى تۋعان ۇل بالاعا جانە 2020 جىلى تۋعان تاعى ءبىر ۇل بالاعا كۇتىم جاسالماعان. ءۇيدىڭ ءىشى لاس بولدى. بالالار بىردەن ومىرلىك قيىن جاعدايعا تاپ بولعان بالالارعا قولداۋ كورسەتۋ ورتالىعىنا جەتكىزىلدى"، – دەيدى مەدەۋ اۋداندىق پب يۋپب كامەلەتكە تولماعاندار ىستەرى جونىندەگى ۋچاسكەلىك ينسپەكتورى ايجان بۋتابايەۆا.
مەدەۋ اۋداندىق پوليسيا باسقارماسى باسشىلىعىنىڭ ايتۋىنشا، ءىس ماتەريالدارى جيناقتالىپ، ايەلدى ودان ءارى اتا-انالىق قۇقىعىنان ايىرۋ ءۇشىن 2023 جىلدىڭ 18 تامىزىندا كامەلەتكە تولماعانداردىڭ قۇقىقتارىن قورعاۋ كوميسسياسىنا جولداناتىن بولادى.
پىكىر قالدىرۋ