شىمكەنتتەگى گۇل دۇكەنىندەگى بولعان جاعدايعا قاتىسى بار مەملەكەتتىك قىزمەتكەر جۇمىستان شىعارىلدى. بۇل تۋرالى Otyrar.kz پورتالى جازدى.
ەسكە سالا كەتەيىك، الەۋمەتتىك جەلىدە شىمكەنتتەگى گۇل دۇكەندەرىنىڭ بىرىندە دۇكەن جۇمىسشىلارىنا بەلگىسىز بىرەۋدەردىڭ كۇش كورسەتكەن ۆيدەوسى تاراعان بولاتىن. ىشكى ىستەر مينيسترلىگى ولاردىڭ اراسىندا پوليسەيدىڭ دە بولعانىن راستاعان. كەيىن ولاردىڭ اراسىندا ەڭبەكشى اۋدانى بويىنشا مەملەكەتتىك كىرىستەر باسقارماسىنىڭ باسشىسى دانيار ەلقوندى بولعانى انىقتالدى.
"مەملەكەتتىك قىزمەت ىستەرى اگەنتتىگى قىزمەتتىك تەرگەۋ جۇرگىزىپ، تارتىپتىك جازاعا تارتۋدى زەردەلەۋ ءۇشىن شارالار قابىلداۋدى تاپسىردى. بۇگىندە دانيار مارات ۇلى ەلقوندىنىڭ ءوزى ءوتىنىش جازدى. سونىڭ نەگىزىندە ول قىزمەتىنەن بوساتىلدى. زاڭعا سايكەس، ونىڭ مەملەكەتتىك قىزمەتتەن ءوز ەركىمەن كەتۋىنە ەشقانداي كەدەرگى بولماعان" - دەپ جازىلعان حابارلامادا.
پىكىر قالدىرۋ