ەلەكتر كولىگىمەن ۆەلوسيپەد جولدارىمەن، جول ءجۇرۋ بولىگىنىڭ وڭ جاق شەتكى جولاعىمەن جانە تروتۋارمەن جۇرۋگە بولادى، - دەپ حابارلادى الماتى قالاسى پوليسيا دەپارتامەنتىنىڭ رەسمي وكىلى سالتانات ازىربەك وكق بريفينگىندە، دەپ حابارلايدى Almaty-akshamy.kz. 

«ەنگىزىلگەن وزگەرىستەرگە سايكەس، ەلەكتر ساموكاتتاردىڭ جۇرگىزۋشىلەرى ۆەلوسيپەد جولىمەن جۇرەدى. ولار بولماعان كەزدە زاڭمەن ەنگىزىلەتىن شارتتار مەن تىيىمداردى ساقتاي وتىرىپ، جول ءجۇرۋ بولىگىنىڭ وڭ جاق شەتى بويىنشا ەلەكتر ساموكاتتاردىڭ جۇرۋىنە جول بەرىلەدى»، - دەپ اتاپ ءوتتى سپيكەر.

سونىمەن قاتار، ەلەكتر ساموكاتتاردىڭ  جۇرگىزۋشىسى كەمىندە 18 جاستا بولۋى كەرەك، ول بەكىتىلگەن دۋلىعا جانە شاعىلىستىراتىن كيىم كيۋى كەرەك، سونداي-اق كەز كەلگەن ساناتتاعى جۇرگىزۋشى كۋالىگى بولۋى قاجەت.

جول قوزعالىسى سالاسىنداعى زاڭناماعا ەنگىزىلگەن جاڭا وزگەرىستەرگە سايكەس، موپەد، ەلەكتروساموكات، ۆەلوسيپەد جۇرگىزۋشىلەرىنە تىيىم سالىنادى:

 - ءرۋلدى ءبىر قولمەن بولسىن ۇستاماي جۇرگىزۋگە:
 - ءبىر باعىتتا قوزعالىس ءۇشىن ءبىر جولاقتان كوپ جولدارداعى ترامۆاي قوزعالىسى بار جولداردا سولعا بۇرىلۋعا نەمەسە كەرى بۇرىلۋعا؛
 - موپەدتەرمەن جانە ۆەلوسيپەدپەن پايدالانۋعا ارنالعان تىركەمەنى سۇيرەۋدەن باسقا موپەدتەردى، ەلەكتروساموكاتتاردى جانە ۆەلوسيپەدتەردى سۇيرەۋگە:

 - كولىك قۇرالىندا بولا تۇرا جاياۋ جۇرگىنشىلەر وتكەلدەرىنەن جولدىڭ ءجۇرۋ بولىگىن كەسىپ وتۋگە:
 - باسقا كولىك قۇرالدارىنىڭ جۇرگىزۋشىلەرىنە كورىنۋدى قامتاماسىز ەتەتىن، جول ءجۇرۋ ەرەجەلەرىندە بەلگىلەنگەن تالاپتارعا سايكەس كەلەتىن شاعىلىساتىن زاتسىز جولدىڭ ءجۇرۋ بولىگىندە تۇندە جۇرۋگە:

 - جولدىڭ ءجۇرىس بولىگىندە جۇرگەندە، بەكىتىلگەن دۋلىعاسىز جۇرۋگە.

 وزگەرىستەرگە سايكەس، ەلەكتر ساموكاتتاردىڭ جۇرگىزۋشىلەرى ۆەلوسيپەد جولىمەن قوزعالادى.  ولار بولماعان جاعدايدا زاڭمەن بەلگىلەنگەن شارتتار مەن تىيىم سالۋلاردى ەسكەرە وتىرىپ، ەلەكتر ساموكاتتارعا ءجۇرۋ بولىگىنىڭ وڭ جاق جيەگىمەن جۇرۋىنە رۇقسات ەتىلەدى.

 ەرەجەلەردىڭ ءبىرىن بۇزعان جاعدايدا جۇرگىزۋشىلەر ەكى باپ بويىنشا اكىمشىلىك جاۋاپكەرشىلىككە تارتىلادى، بۇل ق ر اقبك-نىڭ 593 بابى (جولاۋشىلار مەن جۇكتەردى تاسىمالداۋ قاعيدالارىن ساقتاماۋ) جانە ق ر اقبك-نىڭ 620 بابى (جول قوزعالىسىنا قاتىسۋشىلارعا قويىلاتىن وزگە دە تالاپتاردى بۇزعانى ءۇشىن).
 اتالعان باپتاردىڭ سانكسيالارىنا سايكەس، قۇقىق بۇزۋشىلارعا 5 اەك نەمەسە 17 250 تەڭگە كولەمىندە اكىمشىلىك ايىپپۇل سالىنادى.