قىرعىزستاننىڭ مادەنيەت، اقپارات، سپورت جانە جاستار ساياساتى مينيسترلىگى ەل اۋماعىندا TikTok الەۋمەتتىك جەلىسىن بۇعاتتاۋ تۋرالى شەشىم قابىلدادى.
مينيسترلىككە ءبىرقاتار ۇكىمەتتىك ەمەس ۇيىمنان TikTok جەلىسى بالالاردىڭ پسيحيكالىق دامۋى مەن دەنساۋلىعىنا تەرىس اسەر ەتەتىنى تۋرالى شاعىم تۇسكەن. وندا TikTok-تاعى ۆيدەولاردىڭ ادام ومىرىنە ءقاۋىپ توندىرەتىنى، جاسوسپىرىمدەردىڭ ەلىكتەپ، ءقاۋىپتى وقيعالاردى قايتالاۋعا تىرىساتىنى، ونىڭ سوڭى ولىمگە اكەلىپ سوعۋى مۇمكىن ەكەنى ايتىلعان.
"وسى وتىنىشتەردى ەسكەرىپ، مونيتورينگ نەگىزىندە قىرعىزستان اۋماعىندا TikTok سەرۆيسىن تاراتۋ قىزمەتىن توقتاتۋ تۋرالى شەشىم قابىلداندى" – دەلىنگەن مينيسترلىكتىڭ حابارلاماسىندا.
بۇل شەشىم قىرعىز رەسپۋبليكاسىنىڭ زاڭناماسى شەڭبەرىندە ودان ءارى ىسكە اسىرۋ ءۇشىن ەلدىڭ سيفرلىق دامۋ مينيسترلىگىنە جىبەرىلگەن.
پىكىر قالدىرۋ