الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ دەرەكتەرى بويىنشا وتكەن جىلدىڭ سايكەس كەزەڭىمەن سالىستىرعاندا جرۆي-مەن سىرقاتتانۋدىڭ 4،6% - عا وسكەنى بايقالادى.

تىركەلگەن جاعدايلاردىڭ 65،1% - ى بالالارعا تيەسىلى. وسى ماۋسىمدا تۇماۋ  جۇقتىرۋ جاعدايلارى ءالى انىقتالعان جوق، دەپ حابارلايدى Almaty-akshamy.kz.

بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە دەپارتامەنت باسشىسىنىڭ ورىنباسارى اسەل قالىقوۆا مالىمدەدى. جالپى، ساراپشىلار اتاپ وتكەندەي، ءجىتى رەسپيراتورلىق ۆيرۋستىق ينفەكسيالارمەن سىرقاتتانۋشىلىق بويىنشا ەپيدەميولوگيالىق جاعداي تۇراقتى .

«قازىرگى ۋاقىتتا تۇماۋدىڭ زەرتحانالىق راستالعان جاعدايلارى تىركەلگەن جوق، باسقا تۇماۋعا جاتپايتىن جرۆي ۆيرۋستارى رينوۆيرۋس رەتىندە تارالۋدا. وتكەن 2022-2023 جىلعى ەپيدەميولوگيالىق ماۋسىمدا جرۆي-مەن سىرقاتتانۋشىلىقتىڭ ماۋسىمدىق ءوسۋى 40-اپتادان باستاپ تىركەلدى، جرۆي-مەن سىرقاتتانۋشىلىقتىڭ ەڭ جوعارى كورسەتكىشتەرى 52-اپتادا تىركەلدى، ودان كەيىن سىرقاتتانۋشىلىقتىڭ 4 اپتا ىشىندە تۇراقتانۋى بايقالدى. ەپيدەميولوگيالىق كەزەڭدە  ماۋسىمدىق تۇماۋمەن سىرقاتتانۋشىلىقتىڭ 244 جاعدايى تىركەلدى، تۇماۋ ۆيرۋسىنىڭ بارلىق ءۇش ءتۇرى اينالىمدا بولدى»، - دەپ ءبولىستى ءا. قالىقوۆا. 

ددۇ-نىڭ ەپيدەميولوگيالىق جانە زەرتحانالىق دەرەكتەرىن ەسكەرە وتىرىپ، الداعى كۇز-قىس ماۋسىمىندا ۆ ۆيرۋسىنىڭ قوسىلۋىمەن ا/H1N1/ pdm09 جانە ا/H3N2 ءتيپتى ۆيرۋس سۋبتيپتەرىنىڭ پاراللەل اينالىمىن جانە ىقتيمالدىقتىڭ ۇلكەن ۇلەسىن، سونداي-اق،  باسقا تۇماۋ ۆيرۋستارى اراسىندا ا/H1N1/ pdm09 تۇماۋ ۆيرۋسىنىڭ باسىم بولاتىنىن بولجاۋعا بولادى.

سونداي-اق، ءا.قالىقوۆانىڭ مالىمەتىنشە، جرۆي جانە تۇماۋ بويىنشا ەپيدەميولوگيالىق ماۋسىمعا دايىندىق شارالارى جۇرگىزىلۋدە.

«مەديسينالىق ۇيىمداردا شاقىرۋلاردى قابىلداۋ ءۇشىن 137 تەلەفون، ۇيدە قىزمەت كورسەتۋ ءۇشىن قوسىمشا 150 بىرلىك اۆتوكولىك ءبولىندى، قارقىندى تەراپيا كورسەتۋ ءۇشىن 196 ءوجج جابدىعى بار، جرۆي/تۇماۋمەن اۋىراتىن ناۋقاستاردى ەمدەۋگە جاتقىزۋ ءۇشىن 421 توسەك قويىلدى، 175 توسەك ورنالاستىرۋ كوزدەلگەن، تۇماۋعا قارسى پرەپاراتتاردىڭ قورلارى تولىقتىرىلۋدا (10834 دانا مولشەرىندە تامەفليۋ بار، رەلەنزا-2964 دانا، وكسولين جاقپا-2568 دانا)، ءبىر رەتتىك ماسكالار (2 569 956 دانا) جانە دەزينفەكسيالىق پرەپاراتتار (22924،75 كگ.، 1 020 697 تابلەتكا، 28 915،75 ل.) قورى قۇرىلدى»، - دەدى ول.

سونىمەن قاتار، تاۋەكەل توبىنداعى ادامدارعا ۆاكسيناسيا جۇرگىزىلەدى. وسى ماقساتتا جەرگىلىكتى بيۋدجەت قاراجاتىنا 250 000 مىڭ دوزا مولشەرىندە ءۇش ۆالەنتتى گريپپول پليۋس» ۆاكسيناسى ساتىپ الىندى.

«قالادا 2023 جىلعى 25 قىركۇيەكتەن باستاپ «تاۋەكەل توبىنداعى» ادامداردى تۇماۋعا  قارسى ۆاكسيناسيالاۋ باستالدى، بۇل توپقا مەديسينا قىزمەتكەرلەرى، مەديسينالىق ۇيىمداردا مەديسينالىق باقىلاۋعا جاتاتىن بالالار، التى ايدان اسقان ءجيى اۋىراتىن بالالار، جەتىم بالالارعا ارنالعان ءبىلىم بەرۋ ۇيىمدارىنىڭ بالالارى جانە اتا-اناسىنىڭ قامقورلىعىنسىز قالعان بالالار، بالالار ۇيلەرى، جۇرەك-قانتامىر جۇيەسى مەن تىنىس الۋ ورگاندارىنىڭ  سوزىلمالى اۋرۋلارى بار ادامدار، مەديسينالىق-الەۋمەتتىك مەكەمەلەردىڭ قىزمەت الۋشىلارى، 2ء-شى نەمەسە 3ء-شى تريمەستردەگى جۇكتى ايەلدەر كىرەدى. وسى جىلدىڭ 27 قىركۇيەگىندە تۇماۋعا قارسى «تاۋەكەل توبىنداعى» 18348 ادام ۆاكسيناسيالاندى. تۇماۋعا قارسى ەكپەلەر اعىمداعى جىلدىڭ قاراشا ايىنىڭ سوڭىنا دەيىن جۇرگىزىلەدى»، - دەدى ءا.قالىقوۆا.

سونداي-اق، ول جەكە مەديسينالىق ورتالىقتاردا تۇماۋعا قارسى ەكپە العىسى كەلەتىن حالىققا، ونىڭ ىشىندە جۇمىس بەرۋشىلەردىڭ قاراجاتى ەسەبىنەن ءتۇرلى سالاداعى قىزمەتكەرلەرگە اقىلى نەگىزدە ۆاكسيناسيا جۇرگىزىلىپ جاتقانىن اتاپ ءوتتى. 

ءا. قالىقوۆا ۆاكسيناسيا حالىقتى تۇماۋ ۆيرۋسىن جۇقتىرۋدان قورعاپ قانا قويماي، اسقىنۋلار مەن ءولىم-جىتىم جيىلىگىن ايتارلىقتاي تومەندەتۋگە كومەكتەسەتىنىن ەسكە سالدى.

«تۇماۋعا قارسى ۆاكسينا ەپيدەميولوگتاردىڭ پايىمىنشا، الداعى ماۋسىمدا ەڭ بەلسەندى بولادى دەپ ەسەپتەيتىن ۆيرۋستاردان قورعاۋعا ارنالعان. الەمدە ەڭ كوپ تارالعان ءۇش ۆالەنتتى ۆاكسينالار ءۇش تۇماۋ ۆيرۋسىنان قورعاۋعا قىزمەت ەتەدى: ەكى  ا جانە ۆ شتاممى. بيىل ددۇ ۇسىنعان ءتورت ۆالەنتتى ۆاكسينالار تۇماۋدىڭ ءتورت تۇرىنەن قورعاۋعا ارنالعان - بۇرىنعى شتاممدارعا تاعى ءبىر ۆ ۆيرۋسى قوسىلادى»، - دەپ تولىقتىردى ول.

ساراپشى الدىن الۋ شارالارىنا بەي-جاي قاراماۋعا شاقىرادى. تۇرعىندارعا تۇماۋ مەن جرۆي-مەن اۋىرماۋعا كومەكتەسەتىن كەلەسى قاراپايىم ەرەجەلەردى ساقتاۋ ۇسىنىلادى:
- جرۆي-مەن اۋىراتىن ناۋقاستارمەن بايلانىستا بولۋدان اۋلاق بولىڭىز، بايلانىستان قاشۋ مۇمكىن بولماسا، وندا سىزگە ماسكا تاعۋ كەرەك، وكسوليندى جاقپاماي قولدانىڭىز؛
- اۋىرعان جاعدايدا ۇيدە بولۋ كەرەك، ءوزىن-وزى ەمدەۋمەن اينالىسپاعان ءجون، مەديسينا قىزمەتكەرىن شاقىرۋ كەرەك، وتباسىندا نەمەسە ۇجىمدا ماسكا كيۋ كەرەك، دارىگەردىڭ نۇسقاۋى بويىنشا ەم الۋ كەرەك؛ 
- تۇشكىرۋ جانە جوتەلۋ كەزىندە اۋزىڭىزدى قولىڭىزبەن، مايلىقپەن، ورامالمەن جاۋىپ، قولىڭىزدى مۇمكىندىگىنشە ءجيى جۋىڭىز؛
- يممۋندىق جۇيەنى كوتەرۋ: دارىگەردىڭ ۇسىنىسى بويىنشا س دارۋمەنى جانە باسقا دارىلىك قۇرالداردى قولدانۋ؛
- اراقاشىقتىقتى ساقتاۋ، كوپشىلىك ورىندارعا بارۋدى قىسقارتۋ، اسىرەسە جرۆي، تۇماۋ ورشىگەن كەزدە.