قارتتار كۇنى قارساڭىندا مەگاپوليستە ءبىرقاتار ءىس-شارالار جوسپارلانعان، ولار ءبىر اي كولەمىندە وتەدى. ەگدە جاستاعى الماتىلىقتارعا قانداي قولداۋ كورسەتىلەتىنى جايلى وڭىرلىك كوممۋنيكاسيالار قىزمەتىنىڭ بريفينگىندە الماتى قالالىق ارداگەرلەر كەڭەسىنىڭ ءتوراعاسى احان بيجانوۆ بايانداپ بەردى. 

الماتىنىڭ ارداگەرلەر كەڭەسى الەۋمەتتىك قولداۋ جاساپ، جەرگىلىكتى اتقارۋشى ورگاندارمەن بىرلەسىپ، قارت ادامدارعا كومەك كورسەتەدى. ايتا كەتۋ كەرەك،  ارداگەرلەر ۇيىمى قالانىڭ قوعامدىق بىرلەستىكتەرىنىڭ ىشىندە ادام  سانى جونىنەن كوپ بوپ سانالاتىنداردىڭ ءبىرى - ونىڭ قۇرامىندا 253 مىڭنان استام ادام بار.                                                               

«90-شى جىلدارى بىرىككەن ۇلتتار ۇيىمىنىڭ باس اسسامبلەياسى بۇكىل الەمدە قارتتار كۇنىن وتكىزۋ تۋرالى قارار قابىلدادى.  ءبىزدىڭ قالادا ءماسليحات  قازان ايى بويى قارت ادامدار ايلىعىن وتكىزۋ شەشىمى قابىلدادى. بۇل شەشىمدى قوعام وكىلدەرى دە بولىپ وتىر.  ادەتتە، وسى ۋاقىتتا، ياعني قازان ايىنىڭ باسىندا قالالىق ارداگەرلەر كەڭەسى ءتورالقاسىنىڭ مۇشەلەرى قالا باسشىلىعىمەن كەزدەسەدى، وندا ولار ءبىزدىڭ قالامىزدىڭ ارداگەرلەر ۇيىمدارى مەن ارداگەرلەر قوعامىنىڭ ومىرىندەگى كوپتەگەن پروبلەمالىق ماسەلەلەر بويىنشا كەڭەسەدى»، - دەپ ءبولىستى ا. بيجانوۆ.

ارداگەرلەر ۇيىمىنىڭ باسشىسى اتاپ وتكەندەي، قارت ادامدارعا ارنالعان ايلىق بارىنشا كەڭ اۋقىمدى بولماق - قالادا ءتيىستى ءىس-شارالار جوسپارى ازىرلەندى. ءار اۋداندا كوپشىلىكتىڭ قاتىسۋىمەن مادەني-دەمالىس ءىس-شارالارى ۇيىمداستىرىلادى. اسىرەسە ارداگەرلەر ءۇشىن ءتۇرلى سىيلىقتار جاسالىپ، قايىرىمدىلىق تۇسكى استار ۇيىمداستىرىلادى. بۇل كۇندەرى قارت ادامدار مۇراجايلارعا، تەاترلارعا، ەكسكۋرسيالارعا جانە ت. ب. بارا الادى.

سونىمەن قاتار، مەديسينالىق مەكەمەلەردە اشىق ەسىك كۇندەرى وتكىزىلەدى، قارت الماتىلىقتار تەراپيەۆت، گەرونتولوگ، نيەۆروپاتولوگ، حيرۋرگ جانە باسقا دا  مامانداردىڭ قابىلداۋىنان وتە الادى. وزدىگىنەن بارا المايتىن قارتتارعا مەديسينالىق قىزمەتكەرلەردىڭ كەشەندى بريگادالارى ۇيلەرىنە بارادى.

«ارينە، بۇل ءبىر كۇندىك، ءبىر ايلىق قانا جۇمىس ەمەس دەپ ايتار ەدىم، بۇل جۇمىس ماقساتتى تۇردە، اكىمدىكتىڭ باسشىلىعىمەن جىل بويى جۇرگىزىلىپ كەلەدى. بۇل جۇمىس قالا جانە اۋدان اكىمدىكتەرىمەن بىرلەسىپ اتقارعان قالانىڭ ارداگەرلەر ۇيىمدارىنىڭ نەگىزگى جۇمىسى بولىپ تابىلادى»، - دەپ اتاپ ءوتتى ارداگەرلەر كەڭەسىنىڭ ءتوراعاسى.

سونداي-اق، ول قالا ارداگەرلەرى مەن زەينەتكەرلەرىنە پراكتيكالىق كومەك كورسەتىلەتىنىن اتاپ ءوتتى. قارجىلىق قولداۋدىڭ ءارتۇرلى تۇرلەرىن (13 ءتۇرى) كورسەتۋگە تەك قالا بيۋدجەتىنەن قاراجات بولىنەدى. ىستىق جانە سۋىق سۋ ەسەپتەگىشتەرىن ورناتۋ جانە اۋىستىرۋ، گاز جابدىقتارىن جۇرگىزۋ جانە ورناتۋ شىعىندارى وتەلەدى. سونىمەن قاتار، ساناتورييلەردەگى جولدامالاردىڭ قۇنى جانە تاعى باسقالار وتەلەدى. وتكەن جىلى عانا 1 ملرد تەڭگەدەن استام سوماعا 14 مىڭعا جۋىق زەينەتكەرگە ءبىرجولعى كومەك كورسەتىلدى.