بۇرىنعى ءماجىلىس دەپۋتاتى نۇرجان التايەۆ 10 جىلعا سوتتالدى، دەپ حابارلايدى Qamshy.kz اقپارات اگەنتتىگى. وعان پارا الدى دەگەن ايىپ تاعىلعان ەدى. 

"استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى اسا ءىرى مولشەردە پارا الۋ فاكتىسى بويىنشا ەكس-ۆيسە-مينيستر ا.-عا قاتىستى ۇكىم شىعاردى (قك 366-بابىنىڭ 4-بولىگى). سوت نە بەلگىلەدى: ەكس-ۆيسە-مينيستر 2018 جىلدىڭ اقپانىنان 2020 جىلدىڭ شىلدەسىنە دەيىن «اتامەكەن» ۇكپ مۇددەلەرى ءۇشىن ءتيىمدى رەسمي شەشىم قابىلداۋعا ىقپالداسىپ، دەلدال ارقىلى م.-دان جالپى سوماسى 115 مىڭ اقش دوللارى جانە 8 ملن.150 مىڭ تەڭگە اقشانى پارا رەتىندە الدى. سوتتالۋشىنىڭ كىناسى كۋاگەرلەردىڭ ايعاقتارىمەن، ۇيالى تەلەفونداعى حات-حابارلارمەن، جاسىرىن تەرگەۋ ارەكەتتەرىنىڭ جازبالارىمەن، ساراپتاما اكتىلەرىمەن، زاتتاي دالەلدەمەلەرمەن جانە ت.ب. دالەلدەندى"، – دەلىنگەن حابارلامادا.

ول وزىنە تاعىلعان ايىپپەن كەلىسپەگەن. بۇعان دەيىن پروكۋرور التايەۆتى 12 جىل كولونياعا قاماپ، بەلگىلى ءبىر لاۋازىمدى قىزمەتتى اتقارۋ قۇقىعىنان ءومىر بويىنا ايىرۋدى سۇراعان.

پروكۋروردىڭ ايتۋىنشا، ەكس-دەپۋتات ەڭبەك جانە حالىقتى الەۋمەتتىك قورعاۋ ۆيسە-مينيسترى بولىپ تۇرعان كەزدە “2018-2020 جىلدار ارالىعىندا دەلدالدار ارقىلى 50 ملن تەڭگەدەن ارتىق پارا العان”. قىلمىستىق ءىس قىلمىستىق كودەكستىڭ 366-بابى 4-بولىگى بويىنشا قوزعالعان.