«وسكەمەن-تالدىقورعان» رەسپۋبليكالىق ماڭىزى بار اۆتوجولىنىڭ «اياگوز - 92 شاقىرىم - ءۇشارال» ۋچاسكەسىندەگى جول قوزعالىسى اشىلدى.
ەندى كولىك جۇرگىزۋشىلەرىنە اينالما جولمەن ەمەس، نەگىزگى جولمەن جۇرە رۇقسات بەرىلدى. «قازاۆتوجول» ۇلتتىق كومپانياسى» اق فيليالىنىڭ وكىلدەرى بۇل وزگەرىس تەك قىس مەزگىلىندە عانا ەكەنىن ەسكەرتتى.
«قىس مەزگىلىندە جانە كوكتەمگە دەيىن جۇرگىزۋشىلەر نەگىزگى جولمەن جۇرە الادى. كەلەسى جىلى جولدى اسفالتتىڭ ۇستىڭگى قاباتىمەن جابۋ جۇمىستارى قالدى. مەردىگەرلەرگە وسى جۇمىستى عانا اياقتاۋ قاجەت. الداعى جىلى نىساندى تولىق پايدالانۋعا بەرۋدى جوسپارلاپ وتىرمىز»، - دەدى اباي وبلىستىق فيليال ديرەكتورى ايدىن ەسكەنوۆ.
جولدىڭ بۇل بولىگىندە اسفالتتىڭ ۇستىڭگى قاباتىن توسەۋ جانە اياقتاۋ 2024 جىلعا جوسپارلانعان.
ايتا كەتسەك، وبلىستاعى اۋداندىق جانە وبلىستىق ماڭىزى بار جولداردىڭ جالپى كولەمى 4،5 مىڭ شاقىرىمدى قۇرايدى. 2023 جىلى 235 شاقىرىم جولعا اسفالت توسەلدى.
