بۇگىن رەسەيدە بۇكىلحالىقتىق قارالى كۇن جاريالانعان. ەل استاناسى ماسكەۋدە تەراكت بولعان "كروكۋس سيتي حولل" عيماراتىنا جۇزدەگەن ادام گۇل شوقتارىمەن كەلىپ، قازا تاپقانداردى ەسكە الىپ جاتىر.
ماسكەۋ قالاسى مەن ماسكەۋ وبلىسىندا 5 مىڭنان استام ادام زارداپ شەككەندەر ءۇشىن قان تاپسىرعان.
سوڭعى دەرەككە قاراعاندا، كونسەرت زالعا جاسالعان لاڭكەستىك شابۋىل مەن سونىڭ سالدارىنان پايدا بولعان ورتتەن 133 ادام قازا تاۋىپ، 152 ادام زارداپ شەككەن.
رەسەي فەدەرالدىق قاۋىپسىزدىك قىزمەتى شابۋىلعا قاتىسى بولۋى مۇمكىن 11 ادامدى ۇستاعانىن، ونىڭ 4-ەۋى شابۋىلعا تىكەلەي قاتىسقانىن ءمالىم ەتتى.
تەراكت ءۇشىن يسلام مەملەكەتى ۇيىمى جاۋاپكەرشىلىك العان. كەي رەسەيلىك ساياساتكەرلەر وقيعاعا ۋكراينانىڭ قاتىسى بولۋى مۇمكىن دەپ سانايدى. رەسمي كييەۆ مۇنى ۇزىلدى-كەسىلدى جوققا شىعارادى.
دەرەككوز: ۆۆس ورىس قىزمەتى
پىكىر قالدىرۋ