مەملەكەت باسشىسى قاسىم-جومارت توقايەۆ ەلدە زاڭ ۇستەمدىگىن قامتاماسىز ەتۋ ءۇشىن ناقتى شارالار قابىلدانىپ جاتقانىن ايتتى. سونداي-اق ول سوزىندە قازاقستان قۇقىقتىق مەملەكەت ەكەنىن العا تارتتى.
"قازاقستان – قۇقىقتىق مەملەكەت. ال كەز كەلگەن قۇقىقتىق مەملەكەتتە ازاماتتار مەن ينستيتۋتتاردىڭ بارلىعى زاڭداردى، ەرەجەلەر مەن نورمالاردى مۇلتىكسىز ساقتاۋعا ءتيىس. قوعامداعى قاراما-قايشىلىقتار مەن كەلىسپەۋشىلىكتەر ۇلتتىق زاڭناماعا جانە نەگىزگى حالىقارالىق نورمالارعا سايكەس شەشىلۋى كەرەك. بۇل – مەن ءۇشىن مىزعىماس ۇستانىم. سوندا عانا ءبىز بەرەكەلى جانە ادىلەتتى قوعام قۇرامىز"، - دەدى ول.
مەملەكەت باسشىسى زاڭ مەن ءتارتىپ قاعيداتىنا بارشاعا بىردەي مۇمكىندىك بەرەتىن ادىلەتتى قازاقستاندى قۇرۋ ءۇشىن بەرىك ىرگەتاس دەپ قاراۋعا شاقىردى.
"ءبىز، ەڭ الدىمەن، جەمقورلىقتى تۇبىرىمەن جويۋىمىز كەرەك. مەن وسى ماسەلەگە ايرىقشا ءمان بەرەمىن. ءبىز قوعامدا بۇل كەسەلدىڭ بار ەكەنىن جاسىرمايمىز. اشىق ايتامىز دەپ، ونىڭ زاردابىن دا تارتىپ جاتامىز. ءتىپتى، كەيدە شەتەلدىكتەر دە، ءوز ازاماتتارىمىز دا قازاقستاندى جەمقورلىققا بەلشەسىنەن باتقان ەل دەپ ويلايدى. بۇل شىندىققا ەش جاناسپايدى. ەل مۇددەسى ءۇشىن ەڭبەك ەتىپ جۇرگەن ادال ازاماتتار از ەمەس. قايتالاپ ايتامىن: جەمقورلىق – كەسەل. ءبىز تۇتاس قوعام بولىپ وعان قارسى تۇرۋىمىز كەرەك. سوندا عانا ناتيجە بولادى"، - دەدى قاسىم-جومارت توقايەۆ.
پىكىر قالدىرۋ