الماتىدا قوعامدىق كولىك باعاسىن قىمباتتاتۋ جوسپارلانىپ وتىر. قالا اكىمدىگى جاريالاعان "اشىق نقا" پورتالىنداعى قۇجاتتا جول اقىسىن 120 تەڭگەگە كوتەرۋ، قولما-قول تولەمدى مۇلدە الىپ تاستاۋ جوسپارلانىپ وتىرعانى جازىلعان.

"تاسىمالداۋشىلار قازىرگى تاريف اۆتوبۋس ساتىپ الۋعا، ولاردى جاڭارتىپ، ۋاقىتىلى جوندەۋگە، جۇرگىزۋشىلەردىڭ جالاقىسىن كوتەرۋگە جەتپەيتىنىن ايتادى. جوبا ءتاريفتى 120 تەڭگەگە دەيىن كوتەرۋدى كوزدەپ وتىر. سايكەسىنشە، جەڭىلدىك ساناتىنداعى ازاماتتار ءۇشىن جول اقىسى ءتاريفتىڭ 50%-ىن قۇرايدى" دەلىنگەن قالالىق موبيلدىلىك باسقارماسىنىڭ حابارلاماسىندا.

ماۋسىمنىڭ اياعىندا جولاۋشىلار تاسىمالى كاسىپورىندارى قاۋىمداستىعى جول اقىسىن قىمباتتاتۋ تۋرالى باستاما كوتەرگەن. ەندى قالالىق موبيلدىلىك باسقارماسى قالاداعى ورتاشا تاريف – 310 تەڭگە، كەي مارشرۋتتاردى – 400 تەڭگە ەكەنىن مالىمدەپ وتىر. ويتكەنى سۋبسيديا كولەمى ارتىپ كەلەدى. 2023 جىلى جول اقىسىن سۋبسيديالاۋعا 68،7 ملرد تەڭگە بولىنسە، بيىل بۇل سوما 97،3 ملرد تەڭگەگە جەتىپ قالادى دەپ بولجانىپ وتىر.

سونىمەن قاتار جول اقىسىن قولما-قول تولەۋدى الىپ تاستاۋ كوزدەلۋدە. بۇل – جۇرگىزۋشىگە بوگەت جاساماۋ، كولەگەيلى ەكونوميكا شارتتارىن تۋدىرماۋ ءۇشىن جاسالماق.

قۇجاتتى تالقىلاۋ 17 شىلدەگە دەيىن اشىق.