ازامات ساتىبالدى قازاقفيلم اق-نىڭ باسشىسى رەتىندەگى كەلىسىم-شارتى اياقتالعانىن، ونى سوزبايتىنىن ءمالىم ەتتى. بۇل تۋرالى ينفورمبيۋرو سايتى حابارلادى.
ءارتىس قازىرگى ۋاقىتتا قىتايدا ابىرويلى حالىقارالىق كينوجوباعا قاتىسىپ جاتقانىن، بۇل - اكتەرلىك ءمانسابىنداعى ايتۋلى وقيعا ەكەنىن جەتكىزە كەلە، "قازاقفيلممەن" كەلىسىم-شارتى اياقتالعانىن، ونى سوزباۋ تۋرالى شەشىم قابىلداعانىن ءمالىم ەتتى.
ازامات ساتىبالدى قازاقفيلم باسشىلىعى قىزمەتىندە بىرنەشە داۋعا تاپ بولعان. ول كينوستۋديا اۋماعىن جۇڭگو كولىكتەرىنە جالعا بەرىپ، كوممەرسيالىق ماقساتتا پايدالاندى، قىزمەتكەرلەرگە جالاقى تولەمەدى دەگەن شۋ شىعىپ، احمەت بايتۇرسىن ۇلى تۋرالى فيلمدە باستى ءرولدى ءوزى سومدادى دەپ سىنعا ۇشىراعان. ءارتىس كينوستۋديو اۋماعىن قازاقفيلم شىعىندارىن جابۋ ءۇشىن جالعا بەرگەنىن ايتسا، جالاقى تالاپ ەتكەن قىزمەتكەرلەر كينوستۋديودان ەمەس، ۇلتتىق كينو ورتالىعىن دامىتۋ ورتالىعىنان قالاماقى الا الماي جۇرگەنىن جەتكىزگەن. ال احمەتتىڭ رولىنە بايلانىستى سىنعا "ءوزىم سۇرانىپ وينامادىم، رەجيسسەر تاڭداعاننان كەيىن كەلىستىم" دەپ جاۋاپ بەرگەن.
پىكىر قالدىرۋ