ساۋدا جانە ينتەگراسيا ۆيسە-مينيسترى قايرات بالىقبايەۆ مينيسترلىكتىڭ الدىن الا شەشىمىن جاريالاپ، ۋاقىت بەلدەۋى بۇرىنعى رەجيمگە قايتارۋعا نەگىز جوق ەكەنىن مالىمەتتى.
“مەن الدىن الا شەشىمدى ايتايىن دەپ وتىرمىن. ۋاقىت بەلدەۋىن بۇرىنعى قالپىنا قايتارۋ تۋرالى پەتيسيا وكىلدەرىنىڭ ۋاجدەرىن تالقىلاي كەلىپ، ول تالاپتى ورىنداۋدان باس تارتۋ جونىندە شەشىم قابىلداۋعا بەكىنىپ وتىرمىز. مەن بۇگىنگى جيىننىڭ ءتوراعاسى رەتىندە وسى 1،5 اي ىشىندە سىزدەر اتقارعان بۇكىل جۇمىستىڭ قورىتىندىسى بويىنشا ءوتىنىم بەرۋشىلەر كەلتىرگەن ۋاجدەردىڭ ەشبىرىن دالەلدەيتىن فاكتىلەر تابىلعان جوق. ۋاقىت بەلدەۋىنىڭ وزگەرۋى ازاماتتاردىڭ دەنساۋلىعىنا دا، ەلەكتر قۋاتىن تۇتىنۋ شىعىندارىنا دا اسەر ەتكەن جوق” دەپ كەلتىرەدى قازاقپارات ۆيسە-مينيستردىڭ سوزدەرىن.
پىكىر قالدىرۋ