قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتىندە قارۋ-جاراق پەن اسكەري تەحنيكانى دامىتۋداعى وزەكتى ۇردىستەرگە ارنالعان ەكىنشى حالىقارالىق عىلىمي-پراكتيكالىق كونفەرەنسيا ءوتتى.
ءىس-شاراعا قورعانىس مينيسترلىگىنىڭ بەيىندى دەپارتامەنتتەرىنىڭ باسشىلارى، قازاقستان رەسپۋبليكاسى قارۋلى كۇشتەرىنىڭ ءتۇرلى رۋلارىنىڭ، قورعانىس-ونەركاسىپ كەشەنى كاسىپورىندارىنىڭ وكىلدەرى، قازاقستاننىڭ اسكەري جانە ازاماتتىق جوعارى وقۋ ورىندارى، سونداي-اق رەسەي فەدەراسياسى قارۋلى كۇشتەرىنىڭ جالپى اسكەري اكادەمياسى جانە اقش-تان دجوردج ۆاشينگتون ۋنيۆەرسيتەتى قاتىستى.
قازاقستان رەسپۋبليكاسى ۇلتتىق قورعانىس ۋنيۆەرسيتەتىنىڭ باستىعى گەنەرال-مايور اسقار مۇستابەكوۆ كونفەرەنسياعا قاتىسۋشىلاردى قۇتتىقتادى. ءوز سوزىندە ول قارۋ-جاراق پەن اسكەري تەحنيكا جۇيەسىن تابىستى دامىتۋ ءۇشىن عىلىمي-زەرتتەۋ جانە تاجىريبەلىك-كونسترۋكتورلىق جۇمىستار جۇرگىزۋ قاجەت ەكەنىن اتاپ ءوتتى. ونىڭ ايتۋىنشا، بۇل عىلىمي-تەحنيكالىق جەتىستىكتەر جاڭا ازىرلەمەلەر مەن وندىرىستىك پروسەستەردى قۇرۋعا نەگىز بولا الادى.
كونفەرەنسيانىڭ نەگىزگى ماقساتى-قارۋ-جاراق پەن اسكەري تەحنيكانى دامىتۋ سالاسىندا ناقتى بولجامداردى قالىپتاستىرۋعا ىقپال ەتۋ، سونداي-اق وسى سالاداعى پەرسپەكتيۆالى عىلىمي-تەحنيكالىق باعىتتاردى ايقىنداۋ.
كونفەرەنسيا اياسىندا قازاقستان قارۋلى كۇشتەرىنىڭ دامۋىنا قاتىستى تەوريالىق جانە پراكتيكالىق ماسەلەلەر تالقىلاندى. اتاپ ايتقاندا، ۇشقىشسىز اۆياسيالىق جۇيەلەردى، ەكيپاجسىز قايىقتاردى، زىمىران-ارتيللەريالىق قارۋ-جاراقتى، بروندى تانك پەن اۆتوموبيل تەحنيكاسىن دامىتۋ، سونداي-اق ولاردى قالپىنا كەلتىرۋ ماسەلەلەرى بويىنشا باياندامالار ۇسىنىلدى.
سونداي-اق، قازاقستان رەسپۋبليكاسىنىڭ قورعانىس-ونەركاسىپ كەشەنىن دامىتۋ پەرسپەكتيۆالارى جانە جوعارى وقۋ ورىندارى جانىنداعى اسكەري كافەدرالاردى قارۋ-جاراقپەن جانە اسكەري تەحنيكامەن قامتاماسىز ەتۋ ەرەكشەلىكتەرى تالقىلاندى.
كونفەرەنسيادا ۇسىنىلعان باياندامالار اسكەري-ساياسي جانە اسكەري-ستراتەگيالىق مىندەتتەردى شەشۋدە عىلىم مەن تەحنيكانىڭ ءوسىپ كەلە جاتقان ءرولىن كورسەتەدى. بايانداماشىلار قازىرگى جاعدايدا اقپاراتتىق تەحنولوگيالاردىڭ قارقىندى دامۋى مەن قارۋ-جاراق جۇيەسىنە يننوۆاسيالىق شەشىمدەردى ەنگىزۋيەۆىح قيمىلدارىن جۇرگىزۋ تاسىلدەرىنە ايتارلىقتاي اسەر ەتەتىنىن جانە جاڭا تالاپتار قويىپ وتىرعانىن اتاپ ءوتتى.
پىكىر قالدىرۋ