ءمينيستردىڭ ايتۋىنشا، بيىل مەملەكەتتىك گرانت ءبىر بولىگى سۋ تاسقىنىنان زارداپ شەككەن ءوڭىردىڭ تۇلەكتەرىنە بولىنگەن ەكەن.
"سوڭعى ۋاقىتتا ەلىمىزدە ورىن العان سۋ تاسقىنى بۇكىل ەلگە ورتاق سىناق بولدى. وسى جاعدايعا بايلانىستى، ءبىز جوعارى ءبىلىم الۋعا گرانتتاردىڭ از عانا بولىگىن زارداپ شەككەن ءوڭىر تۇلەكتەرىنە بولدىك. سانى كوپ تە ەمەس، 5112 گرانت. 20 مىڭنان استام تۇلەك سۋ باسقان وڭىردەن بىتىرسە، سونىڭ 10 مىڭنان استام تۇلەگى وزدەرىڭىزبەن بىردەي جالپى كونكۋرسپەن ءوتتى. ءبىز ونى ءادىل جانە اشىق تۇردە بولۋگە بار كۇش-جىگەرىمىزدى سالدىق"، - دەپ مالىمدەدى ساياسات نۇربەك.
مينيستر گرانت ناتيجەسى جاريالانعان سوڭ وزىنە جەكە حابارلاسىپ، نارازى بولىپ جاتقاندار بار ەكەنىن جاسىرمادى.
"كەشەگى اتا-انالار مەن بالالاردىڭ قۋانىش جاسىن كورىپ، ءبىز دە بىرگە قۋاندىق. ءبىراق، وكىنىشكە وراي، گرانت الا الماعان تۇلەكتەر مەن وتباسىلاردىڭ مۇڭىندا دا ءبىز بىرگەمىز. كوپتەگەن ادام مينيسترلىككە، ماعان حابارلاسىپ، جازىپ جاتىر، ال وسى ناتيجەنى سابىرمەن قابىلداعاندار دا بار ەكەن"، - دەدى ول.
گرانت جەڭىپ الا الماعان تالاپكەرلەرگە گرانت الۋدىڭ باسقا بالاما جولدارىنا ۇسىنعان مينيستر 9 ءتۇرلى ىقتيمال ءتاسىلدى اتاپ ءوتتى.
"ايتايىن دەگەنىم، ءۇمىت ۇزبەڭىزدەر! گرانت الۋ مۇمكىندىكتەرى ءالى دە بار!"، - دەگەن ول گرانت جەڭىپ الۋدىڭ مىناداي جولدارى تۋرالى اقپارات بەردى.
- 3 مىڭعا دەيىن تالاپكەر گرانتتان باس تارتۋى مۇمكىن، ولار كەلەسى جوعارى بالل جيناعان تالاپكەرلەرگە بەرىلەدى.
- جەرگىلىكتى اتقارۋشى ورگانداردىڭ، ياعني اكىمدىك گرانتتارى بار.
- KazEnergy قاۋىمداستىعىنىڭ گرانتتارىن قوسىڭىز.
- ح.ا.ياساۋي اتىنداعى حقتۋ-دا ءبىلىم الۋ ءۇشىن تۇركيا رەسپۋبليكاسىنىڭ 500 گرانتى.
- جۇمىس بەرۋشىلەردىڭ گرانتتارى.
- تۇركىستانداعى حالىقارالىق تۋريزم جانە قوناقجايلىلىق ۋنيۆەرسيتەتى 800 ماقساتتى گرانت ۇسىنادى.
- قازاقستان حالقىنا قورى 850 گرانت بولەدى.
- رەكتورلاردىڭ گرانتى، مىسالى تۇران-استانا ۋنيۆەرسيتەتى التىن بەلگى يەگەرلەرىنە گرانتتار بولۋدە.
- سەسسيا قورىتىندىسى بويىنشا بوس گرانت الۋ مۇمكىندىگى جانە بار.
"گرانت الا الماعان تۇلەكتەردى وسى جوعارىداعى مۇمكىندىكتەردى بارىنشا پايدالانۋعا شاقىرامىز"، -دەپ جازدى مينيستر سوڭىندا.
پىكىر قالدىرۋ