قىرعىز رەسپۋبليكاسى جوگوركۋ كەنەشىنىڭ الەۋمەتتىك ساياسات جونىندەگى كوميتەتى «ازاماتتاردىڭ دەنساۋلىعىن قورعاۋ تۋرالى» زاڭعا تۇزەتۋلەردى ءبىرىنشى وقىلىمدا ماقۇلدادى.
دەپۋتات ايسۇلۋ ماماشوۆانىڭ ايتۋىنشا، زاڭ جوباسى قىرعىزستان ازاماتتارىنا سەنىمدى جانە ساپالى مەديسينالىق كومەك كورسەتۋ ءۇشىن ازىرلەنگەن.
«مەملەكەتتىك مەديسينالىق مەكەمە باسشىلارىن جەكەمەنشىك ەمحانالاردا ءبىر مەزگىلدە جۇمىسقا ورنالاستىرۋعا تىيىم سالۋ ۇسىنىلىپ وتىر. مەملەكەتتىك مەديسينالىق مەكەمەلەردە باسشىلىق قىزمەتتەردى اتقارۋدى جانە جەكەمەنشىك ەمحانالاردا جۇمىس ىستەۋدى شەكتەۋ سىبايلاس جەمقورلىق سحەمالارىنىڭ ىقتيمالدىعىن ازايتۋعا، مەديسينالىق قىزمەت كورسەتۋ ساپاسىن جاقسارتۋعا جانە حالىقتىڭ دەنساۋلىق ساقتاۋ جۇيەسىنە سەنىمىن ارتتىرۋعا باعىتتالعان»، - دەپ اتاپ ءوتتى حالىق دەپۋتاتى.
قۇجاتتى تالقىلاۋ بارىسىندا تەك باسشىلارعا عانا ەمەس، مەديسينالىق مەكەمەلەردىڭ ءبولىم باسشىلارىنا دا جەكەمەنشىك ەمحانالاردا جۇمىس ىستەۋگە تىيىم سالۋ تۋرالى ۇسىنىس ايتىلدى. سونداي-اق، مەملەكەتتىك مەديسينالىق مەكەمە باسشىلارىنىڭ جالاقىسىن كوتەرۋ جانە ولاردىڭ قىزمەتتە بولۋ مەرزىمىن 10 جىلدان 5 جىلعا دەيىن قىسقارتۋ ماسەلەسى كوتەرىلدى.
بۇعان دەيىن قىرعىزستان پارلامەنتى ەندى زاڭ قابىلداۋعا اسىقپايتىنى تۋرالى حابارلانعان بولاتىن.
پىكىر قالدىرۋ