ءۇمىتجان ارىقبەكوۆا ورتالىق كوممۋنيكاسيالار قىزمەتىنىڭ بريفينگى بارىسىندا كيبەرمادەنيەتتى قالىپتاستىرۋ بويىنشا كوپ قارجى بولىنبەيتىنىن ايتادى. سوزىنشە، 2024 جىلى 8 ميلليون تەڭگە كيبەرحابارلاندىرۋ دەڭگەيىن ەسەپتەۋگە عانا ارنالعان ەكەن. 

"ءبىز جىل سايىن حالىقتىڭ كيبەرحابارلاندىرۋ دەڭگەيىن ولشەيمىز. بىلتىر بۇل كورسەتكىش 80% بولعان. بيىل بۇل جۇمىس جۇرگىزىلمەدى. سەبەبى بىزگە 8 ميلليون تەڭگە بولىنگەن، ال جۇمىس جۇرگىزۋ ءۇشىن ءوتىنىش بىلدىرگەن كومپانيالار ءبىزدىڭ تالاپتارعا ساي كەلمەدى. سوندىقتان بايقاۋ ءالى ءجۇرىپ جاتىر. جىل سوڭىنا دەيىن كيبەرحابارلامانى ەسەپتەۋ بويىنشا جۇمىس ىستەيتىن كومپانيا تابىلسا، 8 ميلليون تەڭگەنى وسى باعىتتا جۇمسايمىز. ءبىراق كوميتەتتە كيبەرقاۋىپسىزدىك ءۇشىن ارنايى قارجى بولىنبەيدى. بيۋدجەت تەك شتاتقا ارنالعان"، – دەدى ول. 

سونىمەن قاتار ءۇمىتجان ارىقبەكوۆا كوميتەتتىڭ سايتىنا جىل باسىنان بەرى نەگە تەك ەكى اقپارات جاريالانعانىن دا ءتۇسىندىرىپ بەردى. 

"بىزدە اقپاراتتار تەك سايتتا ورنالاستىرىلمايى. ەلەكتروندى ۇكىمەت پورتالىندا حابارلاما جولدايمىز، بۇگىن-ەرتەڭ بارلىق ازامات وسى حابارلامانى الۋى كەرەك. سايتىمىزعا كوپ ادام كىرە قويمايتىندىقتان، Instagram-داعى پاراقشالاردا ۆيدەولار جاريالايمىز. الداعى ۋاقىتتا بۇل ولقىلىقتى جويىپ، سايتىمىزعا دا جەكە دەرەكتەردى قورعاۋعا قاتىستى اقپاراتتاردى جاريالايمىز"، – دەدى ول ءتىلشىمىزدىڭ ساۋالىنا جاۋاپ بەرۋ بارىسىندا.