الماتى وبلىسىنىڭ پروكۋرورى بەرىك اداموۆ تەرگەۋ جۇمىستارى كەزىندە زاڭ بۇزۋشىلىقتاردىڭ بولماعىنىن مالىمدەدى.
“جابىرلەنۋشى تاراپ سوتتىڭ اشىق ءوتۋىن تالاپ ەتىپ جاتىر. تەرگەۋ بارىسىندا ەشقانداي زاڭ بۇزۋشىلىقتار بولعان جوق. پروكۋراتۋرا سوتتىڭ ونلاين رەجيمدە، اشىق ءوتۋىن سۇرايدى”، – دەدى بەرىك اداموۆ.
سونداي-اق پوليسيا تالعارداعى وقيعا ورنىندا تۇسىرىلگەن ۆيدەونىڭ تاراپ كەتۋىنە بايلانىستى قىلمىستىق ءىس قوزعادى. ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ ءبىر كۇن بۇرىن الەۋمەتتىك جەلىدە "قاماجاي" دۇكەنىنىڭ الدىندا تۇسىرىلگەن ۆيدەو تاراعانىن ايتتى.
“بۇل ۆيدەو كەشە (14 قازان – شامامەن) الەۋمەتتىك جەلىدە پايدا بولدى. ىشكى قاۋىپسىزدىك دەپارتامەنتى بۇل فاكتى بويىنشا قىلمىستىق ءىس قوزعادى. بۇل ۆيدەونىڭ الەۋمەتتىك جەلىگە قالاي تارالعانىن انىقتاۋ كەرەك. جاقىندا عانا ءىس قوزعادىق، وسى ءىستىڭ اياسىندا ءمان-جايدىڭ ءبارىن انىقتايمىز دەپ ويلايمىن”، – دەيدى ىشكى ىستەر ءمينيسترىنىڭ وكىلى.
پىكىر قالدىرۋ