ەڭبەك مينيسترلىگى "ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعان ادامنىڭ شوتىنا تۇسكەن مۇلىككە بيلىك ەتۋ، زەينەتاقىلاردى، جاردەماقىلاردى، الەۋمەتتىك تولەمدەردى الۋ جانە مۇلكىن يەلىكتەن شىعارۋعا رۇقسات بەرۋ" مەملەكەتتىك قىزمەت كورسەتۋ ەرەجەسىن بەكىتتى.
ەرەجە ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعان ادامنىڭ مۇلكىنە بيلىك ەتۋ، شوتىنا تۇسكەن زەينەتاقىلاردى، جاردەماقىلاردى، الەۋمەتتىك تولەمدەردى الۋ بويىنشا جانە سوتتىڭ شەشىمىمەن ارەكەتكە قابىلەتسىز نەمەسە ارەكەت قابىلەتى شەكتەۋلى دەپ تانىلعان ازاماتتاردىڭ مۇلكىن يەلىكتەن شىعارۋعا رۇقسات بەرۋ ءتارتىبىن ايقىندايدى.
مەملەكەتتىك كورسەتىلەتىن قىزمەتتى الۋ ءۇشىن كورسەتىلەتىن قىزمەتتى الۋشى ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعان ادامنىڭ تۇرعىلىقتى جەرى بويىنشا كەلەسى قۇجاتتارمەن قوسا ءوتىنىشتى تاپسىرۋ كەرەك:
- مەملەكەتتىك كورپوراسيا؛
- كورسەتىلەتىن قىزمەتتى بەرۋشى؛
- "ەلەكتروندىق ۇكىمەتتىڭ" www.egov.kz ۆەب-پورتالى ارقىلى ۇسىنادى.
مەملەكەتتىك قىزمەت – ەلەكتروندىق (ءىشىنارا اۆتوماتتاندىرىلعان)/ قاعاز تۇرىندە، تەگىن كورسەتىلەدى.
ءوتىنىش بەرۋشى مۇلىككە بيلىك ەتۋ، ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعان ادامنىڭ شوتىنا تۇسكەن زەينەتاقىلاردى، جاردەماقىلاردى، الەۋمەتتىك تولەمدەردى الۋ بويىنشا رۇقسات الۋ ءۇشىن جۇگىنگەن كەزدە كورسەتىلەتىن قىزمەتتى بەرۋشىگە مەملەكەتتىك كورپوراسياعا نەمەسە پورتال ارقىلى مىناداي قۇجاتتاردى ۇسىنادى:
- نىسان بويىنشا ءوتىنىش؛
- جەكە باسىن كۋالاندىراتىن قۇجات نەمەسە كورسەتىلەتىن قىزمەتتى الۋشىنىڭ سيفرلىق قۇجاتتار سەرۆيسىنەن ەلەكتروندىق قۇجات (سايكەستەندىرۋ ءۇشىن)؛
- ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعان ادامعا قورعانشىلىقتىڭ نەمەسە قامقورشىلىقتىڭ بولۋى تۋرالى مالىمەتتەر (كورسەتىلەتىن قىزمەتتى بەرۋشىنىڭ قورعانشىلىقتى نەمەسە قامقورشىلىقتى بەلگىلەۋ تۋرالى بۇيرىعى)؛
- قامقورلىققا الىنۋشىنىڭ نەمەسە قامقورلىققا الىنۋشىنىڭ مەنشىك قۇقىعىن راستايتىن مۇلىككە قۇقىق بەلگىلەيتىن قۇجاتتار (مۇلىككە بيلىك ەتۋ جانە يەلىكتەن شىعارۋ ءۇشىن)،
- زاڭ بويىنشا مۇراگەرلىك قۇقىعى تۋرالى كۋالىك (نوتاريۋستان) (زاڭ بويىنشا مۇرا العان جاعدايدا) (مۇلىككە بيلىك ەتۋ جانە يەلىكتەن شىعارۋ ءۇشىن)؛
- قامقورلىققا الىنۋشىنىڭ نەمەسە قامقورلىققا الىنۋشىنىڭ كولىك قۇرالىنا مەنشىك قۇقىعىن راستايتىن قۇجات (مۇلىككە بيلىك ەتۋ جانە يەلىكتەن شىعارۋ ءۇشىن)؛
- ەكىنشى دەڭگەيدەگى بانكتەردە نەمەسە "قازپوشتا" اق-دا قامقورلىققا الىنۋشىعا نەمەسە قامقورلىققا الىنۋشىعا اشىق شوت تۋرالى حابارلاما؛
- قامقورلىققا الىنۋشىنىڭ نەمەسە قامقورلىققا الىنۋشىنىڭ تابىسىن راستايتىن قۇجاتتار (زەينەتاقى، جاردەماقى، الەۋمەتتىك جانە باسقا دا تولەمدەر).
ءۇشىنشى تۇلعالاردىڭ ءوتىنىشى سەنىمحات بويىنشا بەرىلەدى.
پىكىر قالدىرۋ