اۋىل شارۋاشىلىعى – قازاقستان ەكونوميكاسىنىڭ نەگىزگى سالالارىنىڭ ءبىرى، ول ازىق-تۇلىك جانە ەكونوميكالىق قاۋىپسىزدىكتى قامتاماسىز ەتەدى، سونداي-اق اۋىلدىق جەرلەردە ەلدىڭ ەڭبەك الەۋەتىن دامىتۋعا ىقپال ەتەدى. قازىرگى زاماندا سيفرلىق تەحنولوگيالار ەلدەر ەكونوميكاسىنىڭ دامۋىندا ماڭىزدى ءرول اتقارىپ كەلەدى. IT-قۇرالدارىن ەنگىزۋ اۋىل شارۋاشىلىعى ءوندىرىسىنىڭ ونىمدىلىگىن ارتتىرىپ قانا قويماي، سونىمەن قاتار اۋىل شارۋاشىلىعىنىڭ باسەكەگە قابىلەتتىلىگىن ارتتىرۋعا مۇمكىندىك بەرەدى. وڭىردەگى اۋىل شارۋاشىلىعى سالاسىن سيفرلاندىرۋ جايىندا وبلىستىق اۋىل شارۋاشىلىعى باسقارماسىنىڭ باسشىسى ەرتاي قۋانبايەۆ وكق الاڭىندا مالىمدەدى.

ونىڭ ايتۋىنشا، يننوۆاسيالىق تەحنولوگيالار ءقازىر وسىمدىك شارۋاشىلىعىنا بەلسەندى تۇردە ەنگىزىلۋدە.

- بۇگىندە وبلىستىڭ اۋىلشارۋاشىلىق تاۋار وندىرۋشىلەرى قۇنارلى قاباتتى ساقتاۋ ءۇشىن ءارتۇرلى موديفيكاسيالاردىڭ 37 ەگىس كەشەنى، سونداي-اق ءدال ەگىنشىلىك، ناۆيگاسيا جانە مونيتورينگ جۇيەلەرى بار الەمدىك اۋىل شارۋاشىلىعى تەحنيكاسىن وندىرۋشىلەردىڭ (John Deere، Case New Holland، Fendt، Massey Ferguson، Valtra جانە Challenger) اۋىل شارۋاشىلىعى تەحنيكاسىن پايدالانادى. سونىمەن قاتار، وبلىستا 13 850 گەكتار اۋماقتا سۋ ۇنەمدەۋ تەحنولوگيالارى قولدانىلادى (ونىڭ ىشىندە جاڭبىرلاتىپ سۋارۋ – 12 257،2 گا جانە تامشىلاتىپ سۋارۋ – 1 572،8 گا). سونداي-اق شارۋاشىلىقتار اۋىل شارۋاشىلىعى تەحنيكاسىندا GPS ناۆيگاسياسىن كەڭىنەن قولدانادى، – دەپ اتاپ ءوتتى ول.

باسقارما باسشىسىنىڭ مالىمدەۋىنشە، مال شارۋاشىلىعىندا دا سيفرلىق تەحنولوگيالار بەلسەندى تۇردە ەنگىزىلۋدە. ناقتىراق ايتساق، «قاليكان ۇلى»، «زەيتەنوۆ»، «ورنەك» سياقتى شارۋا قوجالىقتارىندا  وزىق سمارت-فەرمالاردىڭ ەلەمەنتتەرى قولدانىلادى. باعدارلامالىق قامتاماسىز ەتۋ ارقىلى ناقتى ۋاقىت رەجيمىندە ءار سيىردان كۇندەلىكتى ەسەپ جۇرگىزىلىپ، ۇرىقتاندىرۋدى ەسەپكە الۋ ءۇشىن سەلەكسيالىق جانە اسىل تۇقىمدى جۇمىستاردىڭ اقپاراتتىق بازاسىندا بۇقالاردى كومپيۋتەرلىك تاڭداۋ ءادىسى قولدانىلۋدا.