قازاقستاندا مەملەكەتتىك قىزمەت ىستەرى اگەنتتىگىنىڭ باستاماسىمەن ارنايى جوعارى ءبىلىمى جوق مەملەكەتتىك قىزمەتكەرلەرگە ساياسي قىزمەتكەر ورنالاسۋعا رۇقسات بەرىلۋى مۇمكىن.
جوعارى ءبىلىمى جوق مەملەكەتتىك قىزمەتكەرلەرگە ساياسي قىزمەتكەر ورنالاسۋعا رۇقسات بەرۋ تۋرالى زاڭ جوباسى قوعامدىق تالقىعا شىعارىلدى. مۇنداي زاڭ جوباسىنىڭ ۇسىنىلۋ سەبەبى – ەندى ديپلومعا ەمەس، تەك تاجىريبەگە نازار اۋدارۋ. اتالمىش زاڭ جوباسى كۇشىنە ەنسە، اسىرەسە اۋىلدىق جەرلەردە مامان تاپشىلىعى ماسەلەسىن شەشەدى دەگەن بولجام بار.
“بىزگە تاجىريبەنى، ءوندىرىس پەن شارۋاشىلىق ماسەلەلەرىن وقۋلىقتان وقىپ ەمەس، ومىردە كورىپ، تۇسىنگەن شارۋا ادامى كەرەك. ال جوعارى ءبىلىم بار ادامداردىڭ بارىندە مۇنداي تاجىريبە جوق”، – دەيدى ءماجىلىس دەپۋتاتى يرينا سميرنوۆا.
باسشىلىق لاۋازىمداردى قوسپاعاندا، ءبىرىنشى ساناتتاعى "ا" كورپۋسىنىڭ مەملەكەتتىك اكىمشىلىك لاۋازىمدارى ءۇشىن سالادا كەمىندە 14 جىل جۇمىس ءوتىلى بار ادامنان مامانداندىرىلعان جوعارى ءبىلىم تۋرالى ديپلوم تالاپ ەتىلمەيدى. ەكىنشى سانات ءۇشىن – كەمىندە 13 جىل تاجىريبەسى بولۋى كەرەك.
“ءقازىر مەملەكەتتىك قىزمەتتەگى ايلىق ايتارلىقتاي كوپ ەمەس. ال جوعارى ءبىلىمى بار ادامداردىڭ باسىم بولىگى مۇنداي جالاقىعا جۇمىس ىستەگىسى كەلمەيدى. ەكىنشىدەن، مەملەكەتتىك قىزمەتكە 15-20 جىل جۇمىس ءوتىلى بار مامانداردى الساق، مال شارۋاشىلىعى سالاسىندا كورسەتىلەتىن قىزمەت ساپاسى مەن تەحنيكالىق جاعى جاقسارادى”، – دەيدى مەملەكەتتىك قىزمەت ىستەرى اگەنتتىگىنىڭ قاراعاندى وبلىسى بويىنشا ادەپ جونىندەگى كەڭەسىنىڭ مۇشەسى رۋسلان تانيشپەكوۆ.
پىكىر قالدىرۋ