ق ر مادەنيەت جانە اقپارات ءمينيسترىنىڭ بۇيرىعىمەن ساراپتامالىق توپ قۇرۋ، سونداي-اق بالاعا قاتىستى كيبەربۋللينگ فاكتىلەرى بويىنشا ءوتىنىشتى قاراۋ قاعيدالارى بەكىتىلدى.

ساراپتاما توبىنىڭ ءتوراعاسى، ءتوراعاسىنىڭ ورىنباسارى جانە مۇشەلەرى ۋاكىلەتتى ورگاننىڭ، بالانىڭ قۇقىقتارىن قورعاۋ سالاسىنداعى ۋاكىلەتتى ورگاننىڭ، قوعامدىق ۇيىمداردىڭ وكىلدەرى قاتارىنان ۋاكىلەتتى ورگاننىڭ بۇيرىعىمەن ايقىندالادى.

ءوز قىزمەتىن جۇزەگە اسىرۋ كەزىندە ساراپتاما توبى بالاعا قاتىستى كيبەربۋللينگ فاكتىلەرى بويىنشا وتىنىشتەردى قارايتىن ساراپتاما توبىنىڭ قىزمەتى ماسەلەلەرى بويىنشا مەملەكەتتىك ورگاندارمەن جانە ۇيىمدارمەن ءوزارا ءىس-قيمىل جاسايدى.

بالاعا قاتىستى كيبەربۋللينگ فاكتىلەرى بويىنشا ءوتىنىشتى ساراپتاما توبى ۋاكىلەتتى ورگانعا كەلىپ تۇسكەن كۇننەن باستاپ ءۇش جۇمىس كۇنى ىشىندە قارايدى.

ءوتىنىشتى قاراۋ مەرزىمى ساراپتاما توبى ءتوراعاسىنىڭ نەمەسە ونىڭ ورىنباسارىنىڭ ءۋاجدى شەشىمىمەن، ءوتىنىشتى دۇرىس قاراۋ ءۇشىن ماڭىزى بار قاجەتتى اقپاراتتى تالاپ ەتۋگە بايلانىستى كۇنتىزبەلىك ون بەس كۇننەن اسپايتىن ۋاقىتقا دەيىن ۇزارتىلۋى مۇمكىن، بۇل تۋرالى قاراۋ مەرزىمى ۇزارتىلعان كۇننەن باستاپ ەكى جۇمىس كۇنى ىشىندە ءوتىنىش بەرۋشىگە نەمەسە ونىڭ وكىلىنە حابارلانادى.

ءوتىنىشتى قاراۋ ناتيجەلەرى بويىنشا ۋاكىلەتتى ورگان ءوتىنىش بەرۋشىگە نەمەسە ونىڭ وكىلىنە نەگiزدەلگەن جانە ۋاجدەلگەن جاۋاپتى مەملەكەتتiك تiلدە نەمەسە ءوتiنiش بەرiلگەن تىلدە جولدايدى.

ەگەر بالاعا قاتىستى كيبەربۋللينگ فاكتىسى راستالماعان جاعدايدا، ۋاكىلەتتى ورگان ءوتىنىش بەرۋشىگە نەمەسە ونىڭ وكىلىنە قازاقستان رەسپۋبليكاسىنىڭ اكىمشىلىك راسىمدىك-پروسەستىك كودەكسىندە سايكەس جاۋاپ جولدايدى.