كولىك مينيسترلىگى اۋەجايلاردا شەكارالىق باقىلاۋدان ءوتۋ ءراسىمىن جولاۋشىلار ءۇشىن جايلىراق ەتەتىن بۇيرىق جوباسىن جاريالادى.
ءتيىستى بۇيرىق جوباسى ەل اۋەجايلارىندا پاسپورتتىق باقىلاۋدىڭ اۆتوماتتاندىرىلعان جۇيەسىن قامتاماسىز ەتۋ ماقساتىندا ازىرلەنگەن.
قۇجاتقا سايكەس، شەكارالىق باقىلاۋدان ءوتۋدىڭ قاراپايىمدىلىعى مەن جىلدامدىعىن قامتاماسىز ەتۋ ءۇشىن:
- جولاۋشىلاردىڭ ۇشۋ/قونۋ پروسەدۋرالارىن ءوتۋ ۋاقىتىن رەتتەيتىن جانە شەكارا قىزمەتىمەن كەلىسىلگەن اۋەجاي ستاندارتى بولۋى قاجەت؛
- پروسەدۋرالاردى ءوتۋ تالاپتارى تۋرالى جولاۋشىلارعا قولجەتىمدى اقپارات بولۋى قاجەت؛
- پاسپورتتىق باقىلاۋدا جولاۋشىلارعا قىزمەت كورسەتۋ جىلدامدىعىنىڭ شەكارا قىزمەتىمەن كەلىسىلگەن ستاندارتتارى جانە ولاردىڭ ورىندالۋىن باقىلاۋ بولۋى قاجەت؛
- جىلىنا 1 ميلليوننان استام جولاۋشىنى قابىلدايتىن اۋەجايلاردا پاسپورتتىق باقىلاۋدىڭ اۆتوماتتاندىرىلعان جۇيەسىنىڭ بولۋى قاجەت (اۋەجاي وپەراتورىنىڭ مىندەتى).
سونىمەن قاتار، قۇجاتقا سايكەس، شەكارالىق باقىلاۋ قىزمەتى پەرسونالىنىڭ سىپايىلىعى مەن سالەمدەسۋى تومەندەگىلەردى قامتاماسىز ەتۋى ءتيىس:
- جولاۋشىلار اعىنىنا بايلانىستى جانە وتكىزۋ ايماعىنىڭ وتكىزۋ قابىلەتىن جەدەل ارتتىرۋ مۇمكىندىگىنە قاراي شەكارالىق باقىلاۋ قىزمەتى پەرسونالىنىڭ تاۋلىكتىك جۇمىس كەستەسىنىڭ بولۋى جانە ونىڭ اۋەجايمەن كەلىسىلىپ بەكىتىلۋى؛
- قىزمەت پەرسونالىنىڭ سىرتقى كەلبەتىنە قويىلاتىن تالاپتاردىڭ ستاندارتىنىڭ بولۋى جانە ونىڭ ورىندالۋىن باقىلاۋ.
جوبا "اشىق نقا" پورتالىندا ورنالاستىرىلعان جانە 31 قاڭتارعا دەيىن كوپشىلىك تالقىلاۋىنا اشىق.
پىكىر قالدىرۋ