قارجى مينيسترلىگى "بالالارعا ارنالعان ۇلتتىق قور" باعدارلاماسى بويىنشا بالانىڭ شوتىنا اقشانىڭ تۇسكەن-تۇسپەگەنىن قايدان جانە قالاي تەكسەرۋگە بولاتىنىن ءتۇسىندىردى. ۆەدومستۆا ەسەپتەۋ تۋرالى اقپارات 1 اقپاندا سايتتا پايدا بولاتىنىن ايتتى.
قازاقستاندىق بالالاردىڭ ەسەپشوتىنا بارلىعى 888 ميلليون دوللار اۋدارىلادى.
"بالانىڭ باعدارلاماعا قاتىسۋى جانە ەسەپتەلگەن سومالار تۋرالى اقپاراتتى بالانىڭ ءجسن-ىن كورسەتىپ، ارنايى قۇرىلعان kids.enpf.kz سايتىنان كورۋگە بولادى. وندا ءسىز باعدارلامانىڭ شارتتارىن وقىپ، نۇسقاۋلار مەن سۇراقتارىڭىزعا جاۋاپ الا الاسىز. بالاعا ەسەپتەلگەن قاراجات تۋرالى مالىمەتتەردى egov.kz پورتالىنداعى جەكە كابينەتتەن جانە Halyk جانە Kaspi.kz قوسىمشالارىنان كورۋگە بولادى"، – دەلىنگەن حابارلامادا.
بيىل تولەمدى 6،9 ميلليوننان استام ادام الادى (2007-2024 جىلدار ارالىعىندا تۋعان). ونىڭ 300 مىڭنان استامى 2025 جىلى 18 جاسقا تولادى.
پىكىر قالدىرۋ