قارجى ۆيسە-مينيسترى ەرجان ءبىرجانوۆ قازاقستاندا ءموبيلدى اۋدارىمدار بويىنشا مونيتورينگ جاسالاتىن شەكتى سومانى 255 مىڭ تەڭگەدەن 1،2 ميلليون تەڭگەگە دەيىن ۇلعايتۋ ماسەلەسى تالقىلانىپ جاتقانىن مالىمدەدى.

ۆيسە-مينيستردىڭ ايتۋىنشا، ءقازىر ءموبيلدى اۋدارىمداردى باقىلاۋ ءۇشىن شەكتى سومانى وزگەرتۋ جوسپارى قاراستىرىلىپ جاتىر. 

ءبىرجانوۆتىڭ ايتۋىنشا، بۇل شەشىم ۇلتتىق بانكپەن بىرلەسىپ قابىلدانعان. ءقازىر تەك تەحنيكالىق جۇزەگە اسىرۋ ماسەلەسى قاراستىرىلىپ جاتىر. بانكتەردەن جاۋاپ الىنىپ، جاقىن ارادا وسى جۇيە ىسكە قوسىلادى. مەملەكەتتىك كىرىستەر كوميتەتى 2022 جىلدان باستاپ ءموبيلدى اۋدارىمدار تەكسەرىلەتىنىن ايتادى. سەبەبى كاسىپكەرلەر "اۋدارىممەن تولەڭىز" سحەماسىن قولدانباي، سالىق تولەمەۋ ءۇشىن اقشا الىپ جاتىر.

قولدانىستاعى جۇيە تۋرالى تولىعىراق:

• ەگەر ءۇش اي بويى سىزگە 100 ءار ءتۇرلى نومىردەن اقشا اۋدارىلسا، ءسىز مۇمكىن بولاتىن ادال ەمەس كاسىپكەر بولىپ ەسەپتەلەسىز.
• ءسىزدىڭ دەرەكتەرىڭىزدى بانكتەر سالىق ورگاندارىنا جىبەرۋگە مىندەتتى.

جاڭا وزگەرىس:

• ەندى شەكتەۋ ەنگىزىلەدى. ءۇش ايدا ءسىزدىڭ شوتىڭىزعا كەلىپ تۇسكەن جالپى اۋدارىم سوماسى 1،02 ميلليون تەڭگەدەن اسسا عانا ءسىزدىڭ دەرەكتەرىڭىز سالىق ورگاندارىنا جىبەرىلەدى.

• مىسالى، ەگەر ءسىز بازاردا كۇنباعىس ءدانىن ساتاتىن بولساڭىز جانە تولەمدەر اۋدارىم ارقىلى بولسا، سىزگە نازار اۋدارىلمايدى. ويتكەنى ءۇش ايدا ميلليون تەڭگە تابىس تابۋىڭىز ەكىتالاي.

"قارجى ءمينيسترىنىڭ ءتيىستى بۇيرىعى قازىرگى ۋاقىتتا ۇلتتىق بانكتىڭ قاراۋىندا"، – دەپ حابارلادى مەملەكەتتىك كىرىستەر كوميتەتى.