الماتىدا پوليسيا قىزمەتكەرلەرى سينتەتيكالىق ەسىرتكى تاراتىپ جۇرگەن جاس جىگىتتى قولعا ءتۇسىردى، دەپ حابارلادى Qamshy.kz اقپارات اگەنتتىگى پد باسپا ءسوز قىزمەتىنە سىلتەمە جاساپ. 

ءتارتىپ ساقشىلارى جەدەل ءىس-شارا بارىسىندا سينتەتيكالىق ەسىرتكى تاراتۋمەن اينالىسقان جاس جىگىتتىڭ زاڭسىز ارەكەتىنىڭ جولىن كەستى. تىيىم سالىنعان زات تاركىلەنىپ، ءتيىستى ساراپتامالار جۇرگىزىلىپ جاتىر. كۇدىكتى قاماۋعا الىندى.

«ءاربىر ەسىرتكى زاتىن انىقتاپ، تاركىلەۋ – ازاماتتارىمىزدىڭ ءومىرى مەن دەنساۋلىعىن قورعاۋعا باعىتتالعان ناقتى قادام. الماتى پوليسياسى «زاڭ جانە ءتارتىپ» قاعيداسىن جۇيەلى تۇردە جۇزەگە اسىرىپ، جاستار اراسىندا ەسىرتكى تۇتىنۋدىڭ الدىن الۋعا جانە تاراتۋ ارنالارىنىڭ جولىن كەسۋگە ەرەكشە ءمان بەرەدى. ءبىز ەسىرتكى قىلمىسىنىڭ كەز كەلگەن تۇرىنە قاتاڭ قارسى تۇرۋدى جالعاستىرامىز»، – دەدى الماتى قالاسى پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.