AQSH prezıdenti Barak Obama men memlekettik hatshysy Djon Kerrı Qazaqstan Naýryz meıramymen quttyqtady, - dep habarlaıdy «Qamshy» portaly AQSH-tyń Qazaqstandaǵy dıplomatıalyq mısıasyna silteme jasap.

«Men prezıdent obamanyń tilekterine qýana qosylamyn. Álemdegi osy merekeni atap ótetin barlyq dostarymyzǵa baqyt, densaýlyq pen molshylyqqa toly Naýryz tileımin. Biz, barlyq amerıkandyqtarmen birge Iran Islam Respýblıkasyndaǵy, Ortalyq Azıa men Kavkazdaǵy jáne osy AQSH-taǵy jańa jyl men kóktem merekesin qarsy alýshylarmen birge qýanamyz», - delingen AQSH memlekettik hatshysy taratqan habarlamada.

Budan basqa, Dj. Kerrı «Naýryz jańarý men ymyralasý ýaqyty, barlyq otbasylardyń kóktemniń kelýin merekeleý múmkindigi, ótken on eki aıdy saralap, aldaǵy jylǵa úmitpen qaraıtyn mezgil ekenin» atap ótti.

Buǵan deıin AQSH-tyń Qazaqstan Respýblıkasyndaǵy tótenshe jáne ókiletti elshisi Djordj Krol da qazaq halqyn Naýryz meıramymen quttyqtaǵan bolatyn.

«Qurmetti qazaqstandyqtar! Qazaqstandaǵy AQSH elshiligi atynan Sizderdi Naýryz merekesimen quttyqtaımyn. Myńdaǵan jyldar boıy Naýryzda týystar men dostar jańa kóktemdi qarsy alý úshin bas qosady. Osy kóktem merekesi qarsańynda Sizderge jáne otbasylaryńyzǵa densaýlyq, baqyt pen yrys, bereke tileımin», - dedi óz quttyqtaýynda Dj. Krol myrza.