Astanadaǵy «Saryarqa» velotreginde Memleket basshysy Nursultan Nazarbaevtyń qatysýymen «Nur Otan» partıasynyń jeńimpazdar forýmy ótýde, - dep habarlaıdy «Qamshy» portaly.

Forýmǵa «Nur Otan» partıasy Tóraǵasynyń birinshi orynbasary Asqar Myrzahmetov, partıaǵa múshe tanymal azamattar, sportshylar men ánshiler qatysýda.

«Biz keshe jeńiske jettik. Qazaqstannyń barlyq kópetnosty halqy jeńiske jetti. Osy jańa Qazaqstan halqy Assambleıasynan saılanatyn depýtattardyń saılaýy da ótti. Qazaqstandyqtardyń 77 paıyzdan astamynyń (saılaýǵa – red.) qatysýy – rekord. «Nur Otan» saılaýshylardyń 82 paıyzynyń senimin ıelendi. Bul da rekord», - dedi Elbasy.

Osyndaı rekordtyq deńgeıdegi senim bildirgen halyqqa Elbasy rızashylyǵyn bildirdi.

«Bizdiń birge ekenimizdi, bizdiń kez kelgen qıyndyqty jeńetinimizdi kórsettińizder (...) Bul bizdiń 25 jyldyq Táýelsizdigimizdegi demokratıanyń uly jetistigi», - dep atap ótti N. Nazarbaev.

Esterińizge sala keteıik, búgin QR Ortalyq saılaý komısıasy Májilis saılaýynyń naqty nátıjelerin jarıa etken bolatyn. Saılaý qorytyndysy boıynsha, «Nur Otan» partıasy  82,15, Qazaqstan Komýnıstik halyq partıasy  7,14, Qazaqstannyń «Aq jol» demokratıalyq partıasy  7,18, «Birlik» saıası partıasy  0,29,  Jalpyulttyq sosıal-demokratıalyq partıa  1,18, «Aýyl» Halyqtyq-demokratıalyq partıottyq partıasy  2 paıyz daýys jınaǵan bolatyn.