Eýrazıalyq Top (ERG) quramyndaǵy 18 kásiporynda osyndaı ataýmen erekshe aılyq ótkizildi. 28 sáýir – búkilálemdik eńbekti qorǵaý kúnine oraılastyrylǵan aýqymdy shara Toptyń 61 myńnan astam eńbek ujymyn tolyq qamtydy. ERG óndiristegi jumysshylardyń qaýipsizdigi men densaýlyǵyna árdaıym erekshe kóńil aýdaryp, basty nazarda ustap keledi.
Qaýipsizdik pen eńbekti qorǵaý aılyǵy aıasynda bir aı boıy ár kásiporynda qaýipsizdik taqyrybyn tý etken KVN, ıntellektýaldy oıyndar men túrli vıktorınalar, balalarǵa arnalǵan sýret saıystary syndy alýan sharalar ótkizilip, ár seh qyzmetkerlerin qamtydy.
Eýrazıalyq Top (ERG) osy aýqymdy sharalardyń qorytyndysy shyǵarylǵan sáýirdiń 28-i kúni buqaralyq aqparat quraldary ókilderin Pavlodar qalasyndaǵy qýatty úsh qurylymyna shaqyryp, «ERG Service» AQ fılıaly – Pavlodar mashına jasaý zaýytyna, "Qazaqstan Alúmınıi" AQ jáne "Qazaqstan elektrolız zaýyty" kásiporyndaryna baspasóz-týry uıymdastyryldy. BAQ ókilderine óńirdegi ónerkásipti órge súıregen alpaýyt zaýyttardyń esigi aıqara ashylyp, jýrnalıser óndiristik prosesterdi kórip, jańa tehnologıalarmen jaqynyraq tanysty.
Jýrnalıserge eń aldymen óndiris oshaǵynda ózin-ózi ustaý erejeleri men qaýipsizdik erejeleri túsindirilip, jeke qorǵanys quraldary: arnaýly kıim, kaska men kózildirik usynylyp, kásiporyn týraly aqparat berildi. Belgili bolǵany tilshiler aralaǵan árbir kásiporynda bıyl qolǵa alynǵan tyń bastamalar men sol joldaǵy alǵashqy tabystar bar. Mysaly, Pavlodar mashına jasaý zaýyty Qazaqstanda alǵash ret 140 tonnalyq kópirli kran qurastyryp jatyr. Bastysy óndiriske qajetti jabdyqty osyndaǵy mamandar tolyqtaı ózderi jobalap, josparlap, qurastyrýǵa kirisken. Jazǵa qaraı kran «Qazhrom» transulttyq kompanıasyna jetkizilmek. Zaýyt budan basqa túrli maqsattaǵy kópirli, tórt taǵandy júkkótergish jabdyqtar jasaýmen aınalysady. Ónimin syrtqy naryqtarda da saýdalap otyrǵan zaýytta bıyl birshama jańa jumys oryndary ashylǵan.
– «Biz kásiporyn qyzmetkerleriniń qaýipsizdigin qamtamasyz etý úshin, eńbekti qorǵaý, qaýipsizdik tehnıkasynyń talaptaryn qatań saqtaýǵa qatysty turaqty jumys júrgizip turamyz. Byltyr kompanıada 346 adam eńbek etse, bıyl jyl basynan beri qosymsha 58 jańa jumys orny ashyldy. Tapsyrystar osy qarqynmen molaıa tússe, taǵy da jańa jumys oryndary ashylady. Eńbekaqyny da bıyl 19 myń teńgege ósirip, ortasha mólsherin 139 myń teńgege jetkizdik. Ótken jyly 1 mlrd. 258 mln. teńgeniń ónimin óndirsek, bıyl ony 4 eselep, 5 mlrd. teńgege jetkizýdi josparlap otyrmyz, – dedi «ERG Service» AQ fılıaly – Pavlodar mashına jasaý zaýytynyń dırektory Leonıd Belogrıvyı.
Jýrnalıser kelesi nysan «Qazaqstan alúmınıi» AQ-nyń zaýytyna baryp, jańalyqtarymen tanysty. Munda eń birinshi kózge túsken - peshte aınalyp turatyn alúmını totyǵynyń daıyndalý prosesi. Erekshe áser alǵan tilshiler, óndiris ýchaskesinde estelik sýretke tústi. Sonymen qatar, kásiporynda jańa ónim - metal quıma qalyptary shyǵaryla bastaǵany habarlandy. Bul alúmını daıyndaýǵa qajetti ónim bolyp tabylady. Jobany tolyǵymen alúmını zaýytynyń qyzmetkerleri ázirledi.
– Biz bıyl Qazaqstan elektrolız zaýytyna qajetti quıma qalyptar shyǵara bastadyq. Qalyptardyń bir tehnologıasyn buryn Qytaıdan alatynbyz. Sondaı-aq Fransıanyń tehnologıasyn da paıdalanatynbyz. Endi 100 paıyz ózimiz jasaıtyn dárejege jettik. Bul endi ońaıǵa soqqan joq. Tókken terimiz tekke ketpedi. Eki túrli qalyptardy daıyndap otyrmyz. Tapsyrystardy ýaqytyly oryndaýǵa tyrysamyz. Mysaly, aldaǵy mamyr aıyna 75 qalypqa tapsyrys tústi. Mamandarymyz jetkilikti. Sapasy óte joǵary. Shetelden keletin qalyptardan kem emes», – deıdi «Qazaqstan alúmını» AQ zaýytynyń quıý óndirisiniń aǵa sheberi Májıt Batyrsha.
Sapardyń sońǵy núktesi Qazaqstan elektrolız zaýyty boldy. Onda Alúmını zaýytynda daıyndalǵan quıma qalyptarǵa alúmını quıylady eken. Óndiris kólemi jylyna – 250 myń tonna.
Qyzý jumys qarqynyna qaramastan, Qazaqstan elektrolız zaýytynda qaýipsizdik tehnıkasy eshqashan umyt bolǵan emes.
– Bizdiń kásiporynda qaýipsizdik pen eńbekti qorǵaý máselesi árqashan birinshi orynda, sebebi eń mańyzdysy – adamnyń densaýlyǵy. Bizdiń basshylyq otbasymyzǵa aman-saý barýymyz úshin bar kúsh-jigerin jumsaıdy. Mysaly, mine búgin ǵana eńbekti qorǵaý aılyǵy aıaqtaldy. Onyń qorytyndysynda túrli is-sharalar uıymdastyrylýda. Oǵan barlyq qurylymdyq bólimshelerdiń qyzmetkerleri qatysyp jatyr», – dedi Qazaqstan elektrolız zaýytynyń lıteın óndirý sehynyń bas tehnology Samat Aýtalıpov.
Qyzyqqa toly bul kúnniń aıaqtalar shaǵynda «Qundylyqtar qabyrǵasy» tabystyryldy. Beınettiń tabyn kórgen jumysshy alaqanynyń alyp tańbasyna árbir qyzmetker ózi úshin erekshe qymbat jandardyń esimderi jazylǵan shaǵyn, túrli-tústi alaqandardy jabystyrdy. Bul olardyń árqaısysyn tańerteń jumysqa shyǵaryp salyp, úıde taǵatsyzdana tosatyn eń jaqyn adamdary, et-jaqyn týystarynyń aıaly alaqanyndaı. Osylaısha jumysshylar eńbekte aldymen ózine erekshe qymbat jandar úshin qaýipsizdik erejelerin bes saýsaǵyndaý bilýi kerek ekenin oı eleginen taǵy bir márte ótkizip, sanaǵa myqtap túıip aldy. Bul ıdeıany olar erekshe qyzyǵýshylyqpen qabyldap, árqaısysy aıaly alaqanǵa jaqyndarynyń atyn jazyp, qundylyqtar qabyrǵasyna ildi.
EURASIAN RESOURCES GROUP týraly anyqtama
Eurasian Resources Group (ERG) óndirý jáne baıytý salasyndaǵy tabıǵı resýrstary bola tura, tolyǵymen ıntegrasıalanǵan taý-ken óndirý, óńdeýshi, energetıkalyq, kólik jáne marketıńtik operasıalaryn júzege asyratyn álemdegi ártaraptandyrylǵan jetekshi kompanıalardyń biri. Bıznes jobalardy damytýshy top qurlyqtaǵy 14 elge jumys berýshi eń iri kásiporynnyń biri bolyp tabylady. Eurasian Resources Group (ERG) 2014 jyly 20 jyldyǵyn toılady. Kásiporynnyń bas keńsesi Lúksembýrgte ornalasqan.
Qazirgi ýaqytta ERG óndirisinde ferrohrom mazmuny boıynsha, hrom jáne temir kenin jetkizýshileriniń álemdik kóshbasshy bolyp tabylady. Top, sondaı-aq, alúmını óndirýshiler men mys jáne kobált jetkizýshilerdiń jetekshi ondyǵyna kiredi.
ERG — bul Qazaqstan Respýblıkasyndaǵy taý-ken metalýrgıa kesheniniń úshten bir bóligi. Sondaı-aq, ERG Ortalyq Azıadaǵy elektr energıasyn jetkizýshi men iri temir jol operatorynyń biri. Qazaqstanda kásipkerler tobyna "Qazhrom" TUK "Sokolov-Sarybaı ken-baıytý óndiristik birlestigi" (SSKÓB), "Qazaqstan Alúmınıi", "Qazaqstan elektrolız zaýyty" (QEZ), Eýrazıalyq energetıkalyq korporasıasy" (EEK), "Shubarkól kómir" jáne Kólik toby "TransKom" kiredi. Qazaqstanda ERG kásipornynda 61 myńnan astam adam jumys isteıdi.
Kongo Demokratıalyq Respýblıkasynda ERG mys jáne kobáltty Boss Mining, Frontier jáne Comide ken kásiporyndarynda óndiredi jáne óńdeıdi. Sondaı-aq, birqatar basqa da jobalardy damytý, jaqynda aıaqtaý jumystary, sonyń ishinde joba Metalkol Roan Tailings Reclamation (RTR) osy elde ornalasqan.
ERG mys balqytý zaýyty, Chambishi Metals PLC iri mys óndirýshi Zambıadaǵy jáne álemdegi jetekshi kásiporyn bolyp tabylady. Sondaı-aq, kómir, marganes, platına, boksıt jáne flúorıt shyǵarýda túrli elderde Afrıka kontınentiniń qosa alǵanda, Ońtústik Afrıka respýblıkasy, Zımbabve, Malı jáne Mozambıkte jobalary bar kompanıa.
Brazılıadaǵy ERG óndirý kesheni, temir keni, jylyna 20 mln tonna qýaty damytýdy Pedra de Ferro jobasynda jalǵastyrýda.
