Shyńǵysqannyń joldaýyn   RǴA SB fılologıa ınstıtýtynyń bas ǵylymı qyzmetkeri Irına Nevskaıanyń basshylyǵymen ǵylymı dısertasıa qorǵaý aıasynda germanıalyq ýnıversıtettiń stýdenti Herlen Bold sheshti. Bul týraly «Qamshy» portaly QazAqparatqa silteme jasap habarlaıdy. Ǵalymdar sheshken qoljazba Altaı Respýblıkasy A.V. Anohın atyndaǵy Ulttyq Murajaıynda saqtalǵan.

 «Aqyl kilti» qoljazbasy XIII-XIV ǵasyrlardaǵy kóne mońǵol tilinde jazylǵan. Bul ǵylymǵa belgili eń ejelgi mońǵol qoljazbalarynyń biri. Taýly altaı murajaıy qyzmetkerleriniń habarlaýynsha, qoljazba sýtra úzindilerin qamtıdy. Kóp paraǵy joǵalyp qalǵan. Ǵalymdardyń pikirinshe, Mátindi bambýk taıaqshalarymen jáne qylqalammen jazǵan. Joǵarydan tómen qaraı jazylǵan klasıkalyq mońǵol haty, joldar ońnan solǵa qaraı ornalasqan.

Sýtra balalardy tárbıeleý kezinde tapsyrma, ósıet túrinde aýyzsha taratylǵan bolýy múmkin. Bastapqyda ony Shyńǵysqannyń ózi aıtqan. Aýyzdan-aýyzǵa tarap, qolbasshynyń joldaýy qatty ózgeriske ushyraǵan.

Jazbada Shyńǵysqannyń keıingi urpaqqa  keńesteri jazylǵan, onda «senimsizdik týdyrǵan adamǵa syryńdy ashýdyń qajeti joq» delingen.

Sondaı-aq Shyńǵysqan keńesterinde «áıelderdiń sózine asa senbeýge» úndegen. «Qul arqyly ulyńa buıryq berme», «jaýyz nemese ishi tar adammen keńespe», «kópshilik adam maquldaǵandy teriske shyǵarma» degen úzindiler bar.